Łukašenka zaklikaŭ nie zvažać na psichiku dziaciej tady, kali treba pravodzić prapahandu
Alaksandr Łukašenka, vystupajučy na sumiesnym rasijska-biełaruskim prapahandysckim mierapryjemstvie ŭ Vałhahradzie, zajaviŭ, što školnikam nieabchodna demanstravać archiŭnyja kadry vajennych dziejańniaŭ biez cenzury, navat kali heta moža traŭmavać ich psichiku. Maŭlaŭ, ciapier «nie čas razvažać pra nastupstvy».
«Ličby i fakty važnyja, ale jašče važniejšyja emocyi i sensy. I kadry vajennaj chroniki — biez kupiur», — padkreśliŭ Łukašenka.
Jon adznačyŭ, što padobnyja materyjały aktyŭna vykarystoŭvajucca jak u Rasii, tak i ŭ Biełarusi.
«Nie čas razvažać pra traŭmavanuju psichiku dziaciej, jakija mohuć ubačyć hetyja strašnyja zdymki i videa, jakija my časta demanstrujem… Nie treba tut nam dryžać, što chtości heta ŭbačyć pamienš, pabolš. A jak im rastłumačyć, čamu my siońnia adčajna zmahajemsia za hetuju histaryčnuju pamiać?» — zajaviŭ Łukašenka.
Pry hetym jon pryznaŭ, što sučasnamu pakaleńniu składana adčuć padziei Druhoj suśvietnaj vajny, ad času zakančeńnia jakoj praminuła ŭžo 80 hadoŭ.
«Užo niama nierva toj epochi. Ale jany pavinny bačyć praŭdu i rabić vysnovy», — ličyć Łukašenka.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki
Azaronak tak staraŭsia chutčej raschvalić Łukašenku, što śpiecham zapościŭ kramołu
Alaksandru Łukašenku ciažka dałosia ŭskładańnie viankoŭ na Mamajevym kurhanie VIDEA
Pierad prylotam Łukašenki ŭ Vałhahrad adklučyli interniet
Kamientary