Na Polšču — da 15 hadzin, u Litvu — biez čerhaŭ. Čaho čakać pasažyram aŭtobusaŭ na miažy?
Vialikija vychodnyja, jak i čakałasia, vyklikali ŭsplosk popytu na pajezdki, u tym liku mižnarodnyja. Heta adbiłasia i na situacyi na miažy, piša Newgrodno.by.
Naprykład, na polskim napramku ŭ «čarzie» da 10:00 suboty stajała kala 60 aŭtobusaŭ.
«Siaredni čas čakańnia ŭ čarzie i prachodžańnia miažy składzie kala 15 hadzin», — adznačajuć pieravozčyki. Varta adznačyć, što heta nie kančatkovy termin, čas moža źmianiacca ŭ zaležnaści ad roznych faktaraŭ.
Pieravozčyki robiać usio mahčymaje, kab nie sarvać raskład, ale paŭpłyvać na čerhi jany, viadoma, nie ŭ siłach.
U bok Litvy čerhaŭ z aŭtobusaŭ niama. Siaredni čas prachodžańnia miažy ŭ hetym vypadku składaje 2—3 hadziny. Aŭtobusy iduć dakładna pa raskładzie. Praŭda, vadzicieli nahadvajuć pasažyram pra ŭzmocnieny kantrol z boku litoŭskich słužbaŭ. Pad zabaronu na ŭvoz ź Biełarusi trapili bolš za 2800 tavaraŭ, u tym liku pradukty charčavańnia. Kali ŭ adnaho z pasažyraŭ znojduć «zabaronku», mohuć zatrymać uvieś aŭtobus.
Prosta ciapier, naprykład, kvitki na Polšču možna kupić amal što na dzień u dzień. A voś pajezdku da Vilni treba płanavać zahadzia — na bližejšyja rejsy ŭsie kvitki raskupleny.
Ciapier zrabić heta praściej. Kali raniej prodaž pačynaŭsia za 30—60 dzion da adpraŭleńnia aŭtobusa, to ciapier možna kupić kvitki na mnohija rejsy ŭ Polšču, Litvu i Rasiju ažno da 31 žniŭnia.
A što z koštam?
Košt kvitkoŭ zastajecca na raniejšym uzroŭni. Pieravozčyki adznačajuć, što pieradumoŭ dla padaražańnia pakul niama. Ale ŭsio ž lepš pakłapacicca pra kuplu zahadzia — heta harantyja taho, što pajezdka navat u žniŭni adbudziecca pa viasnovaj canie.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary