U Biełarusi z Fanta źnik naturalny sok — ciapier tolki aramatyzatary i farbavalniki
Apielsinavaja Fanta bolš nie źmiaščaje navat małoj doli soku. Zamiest zvykłaj markiroŭki «Fanta apielsin» (u składzie było 3% soku) na palicach źjaviłasia «Fanta sa smakam apielsina» — biez hramu sapraŭdnaha frukta. Jaho zamianili aramatyzatary i farbavalniki, piša Blizko.by.
Paraŭnaŭšy składy, pakupniki źviarnuli ŭvahu, što ŭ abnoŭlenaj viersii napoju rezka ŭzrasła kolkaść vuhlavodaŭ — z 8 da 13,4 hrama na 100 mł.
Vizualna Fanta taksama źmianiłasia: u napoju staŭ inšy koler. Pakul u kramach možna znajści abiedźvie viersii, ale karystalniki sacsietak bajacca, što chutka naturalny varyjant kančatkova źniknie, jak heta ŭžo adbyłosia z apielsinavym sokam Rich.
Toj byŭ zamienieny na niektar — pradukt z dolaj soku ŭ 50% i nižej, faktyčna razbaŭleny vadoj. Pry hetym novaja viersija kaštuje navat daražej za raniejšy sok.
Na zavodzie «Koka-Koła Bieŭrydžyz Biełaruś», jaki vypuskaje jak soki Rich, tak i napoi Fanta, tłumačyli toje, što adbyvajecca, pierahladam asartymientu «ŭ adpaviednaści sa spažyvieckimi trendami».
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki33
Kamientary