Ukrainskija drony atakavali rasijskuju vajskovuju čaść, jakuju abvinavačvajuć va ŭdary pa Sumach
16 krasavika na horad Šuja ŭ Ivanaŭskaj vobłaści była ździejśniena ataka bieśpiłotnikaŭ. Minabarony Rasii zajaviła pra siem BPŁA samalotnaha typu, źbitych nad horadam. Adnak pa sacsietkach razyšłosia niekalki videazapisaŭ z Šui, na jakich bačnyja drony, jakija pikirujuć na cel, a paśla čuvać mahutnyja vybuchi.
Miarkujučy z paviedamleńniaŭ miascovych pablikaŭ, cellu dla ataki stała raźmiaščeńnie 112-j rakietnaj bryhady. Ukrainskaje kamandavańnie abvinavačvaje rasijskich vajskoŭcaŭ z hetaj čaści va ŭdary balistyčnymi rakietami «Iskander» pa horadzie Sumy ŭ Vierbnuju niadzielu 13 krasavika. Achviarami toj ataki stali, pavodle aficyjnych danych, 35 čałaviek, u tym liku dvoje dziaciej. Bolš za 125 čałaviek, uklučajučy 18 dziaciej, atrymali ranieńni.
Jak pišuć miascovyja ŚMI, na terytoryju vajskovaha haradka, raźmieščanaha na poŭdni Šui, prylacieli jak minimum try BPŁA.
Padpisčyki telehram-kanała «Ivanovo. Proisšiestvija» paviedamlali pra traplańni ŭ kazarmu. Jašče adzin dron upaŭ za niekalki sotniaŭ mietraŭ ad vajskovaj čaści.
Aficyjnych paviedamleńniaŭ pra ŭdar pa raźmiaščeńni rakietnaj bryhady nie było.
«Pavodle apieratyŭnych źviestak štaba, zahinułych niama, dvum lohka paciarpiełym akazanaja mieddapamoha. Sistema apaviaščeńnia adpracavała štatna. Evakuacyja nie abjaŭlałasia. Śpiecyjalisty ekstrannych słužbaŭ zajmajucca likvidacyjaj nastupstvaŭ», — daŭ spravazdaču apieratyŭny štab pa vynikach ataki na horad.
Ad horada Šuja da najbližejšaha punkta ŭkrainskaj miažy — kala 700 km pa pramoj.
Raniej, 15 krasavika, Hienštab USU zajaviŭ, što siły abarony Ukrainy nanieśli ŭdar pa inšaj rasijskaj čaści, jakuju Ukraina taksama ličyć adkaznuju za abstreł Sumaŭ i hibiel mirnaha nasielnictva. Ukrainskija vajskoŭcy śćviardžajuć, što ŭ jakaści adpłaty ŭdaryli pa punkcie pastajannaj dysłakacyi 448-j rakietnaj bryhady rasijskaj armii, raźmieščanym pablizu siała Klukva ŭ Kurskaj vobłaści.
Rakieta «Bars»: što viadoma pra novuju ŭkrainskuju raspracoŭku i ŭ čym jaje hałoŭnaja pieravaha
«Centr Maskvy staŭ vajennaj cellu». Rasijskaje dziaržaŭnaje ŚMI raskazała, jak apieratar drona atakuje Ukrainu z «Maskva-Sici»
Ukraina masiravana atakavała Kursk bieśpiłotnikami
Ukraincy ŭdaryli «Chajmarsam» pa rasijskim punkcie kiravańnia ŭ Sudžanskim rajonie
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary