Vajna22

Rakieta «Bars»: što viadoma pra novuju ŭkrainskuju raspracoŭku i ŭ čym jaje hałoŭnaja pieravaha

Ukraina stvaryła novuju rakietu pad nazvaj «Bars». Doŭha lubaja infarmacyja pra hetu raspracoŭku trymałasia ŭ tajamnicy, ale ciapier Ukrainskaja słužba Bi-bi-si vyśvietliła padrabiaznaści pra hetuju novuju ŭkrainskuju zbroju.

Novaja rakieta «Bars» adnosicca da kłasa tak zvanych «rakiet-dronaŭ», jakija ŭžo vyrablaje Ukraina. Havorka pra rakiety «Palanica» i «Piekła» (na fota)

Upieršyniu nazvu «Bars» zhadaŭ publična ministr pa pytańniach stratehičnych halin pramysłovaści Hierman Śmiatanin na mierapryjemstvie, pryśviečanym ukrainskaj abaroncy 11 krasavika. Jon adznačyŭ, što ŭ 2024 hodzie źjaviłasia adrazu niekalki novych uzoraŭ rakietnaha ŭzbrajeńnia ŭ paraŭnańni z tym, što jašče dva hady tamu Ukraina mieła tolki adnu ŭłasnuju raspracoŭku — «Niaptun».

Kiraŭnik ukrainskaha Minstratehprama Hierman Śmiatanin daje spravazdaču ab dasiahnieńniach ukrainskaha APK letaś. Jon havoryć pra imklivy rost vytvorčaści rakiet

«U minułym hodzie ŭ nas źjaviłasia vielmi šmat novych vyrabaŭ, jakija zabiaśpiečyli abjom vytvorčaści ŭ 8 razoŭ bolšy, čym u 2023 hodzie», — zajaviŭ ministr.

Śmiatanin pieraličyŭ nazvy ŭkrainskich rakiet, pra jakija ŭžo raniej publična paviedamlałasia. Havorka pra takija vyraby, jak «Piekła», «Palanica», «Ruta». A taksama nazvaŭ jašče adnu, pra jakuju raniej nie było viadoma, — «Bars». Nijakich padrabiaznaściaŭ pra jaje ministr, praŭda, nie padaŭ.

Ukrainskaja słužba Bi-bi-si tłumačyć, što heta za rakieta.

Masavy vyrab

Pa słovach krynic Bi-bi-si va ŭładzie, ukrainskaja rakieta «Bars» — heta raspracoŭka nie dziaržaŭnych, a pryvatnych vytvorcaŭ.

Jana naležyć da kłasa tak zvanych kryłatych «rakiet-dronaŭ», prynamsi takuju nazvu im dali ŭkrainskija ŭłady, zajaviŭšy, što heta ŭłasnaje nou-chau. Takija vyraby — heta niešta siaredniaje pamiž zvyčajnaj kryłataj rakietaj i bieśpiłotnikam, čaściej za ŭsio samalotnaha typu, jaki maje nie nadta vialikuju bajavuju častku (čaściej za ŭsio kala 50-100 kh) i małahabarytny turbareaktyŭny ruchavik, jaki dazvalaje jamu chutka pieraadolvać značnyja adlehłaści i być ciažkaj cellu dla SPA.

Zapuskacca takija «rakieta-drony» mohuć jak z naziemnych ustanovak, tak i z samalotaŭ.

«Bars» bolš za ŭsio padobny pa svaich paramietrach da jašče adnaho ŭkrainskaha pradstaŭnika hetaha «siamiejstva» — rakiety «Piekła», kaža surazmoŭca Bi-bi-si.

Dalokaść «Barsa» składaje prykładna 700-800 km. Surazmoŭca charaktaryzuje hety vyrab jak umoŭna Middle Strike, heta značyć zbroju siaredniaj dalokaści.

Jakaja ž asnoŭnaja asablivaść «Barsa»? Pavodle danych krynic, hetaja rakieta maje istotnuju pieravahu — mahčymaść masavaha vyrabu ŭ Ukrainie. Adpaviedna, siły abarony ŭžo najbližejšym časam zmohuć atrymać dalnabojny i dosyć mahutny srodak paražeńnia dla rehularnych atak uhłyb rasijskaj terytoryi.

Vyjavy hetaha vyrabu adsutničajuć u publičnym dostupie, hetaksama jak i detalovyja taktyka-techničnyja charaktarystyki (TTCH).

Ukrainskaja rakietnaja prahrama

U minułym hodzie Ukraina značna aktyvizavała svaju rakietnuju prahramu. Jašče ŭ žniŭni prezident Uładzimir Zialenski zahadaŭ nakiravać dadatkovaje finansavańnie i paskoryć vytvorčaść rakietnaha ŭzbrajeńnia.

U toj čas ukrainskija vytvorcy pracavali adrazu nad niekalkimi varyjantami kryłatych i balistyčnych rakiet. Taksama hłybokuju madernizacyju prachodziła samaja paśpiachovaja ŭkrainskaja raspracoŭka — supraćkarabielnaja rakieta «Niaptun», jakaja atrymała pavialičanuju dalokaść i mahčymaść paražeńnia naziemnych abjektaŭ.

Na Dzień niezaležnaści Ukrainy 24 žniŭnia 2024 hoda Zialenski paviedamiŭ pra pieršaje paśpiachovaje vykarystańnie ajčynnaj rakiety «Palanica». Paśla byli apublikavanyja jaje vyjavy i charaktarystyki.

Fota: United 24

Heta «rakieta-dron» z turbareaktyŭnym ruchavikom, jakuju zapuskajuć z naziemnaj ustanoŭki. Dalokaść jaje dziejańnia kala 600 km. Rakieta maje spadarožnikavuju i reziervovuju, vierahodna, iniercyjnuju sistemu navihacyi. Vyrablajecca sieryjna.

Pa aryjencirovačnych danych, vaha bajavoj častki «Palanicy» moža składać kala 100 kh, a chutkaść — 400-500 km/h. Ukraina vykarystoŭvaje jaje dla ŭdaraŭ pa vajskovych abjektach uhłyb terytoryi Rasii, u pieršuju čarhu havorka idzie pra składy bojeprypasaŭ i aeradromy.

U pačatku śniežnia 2024 hoda Kijeŭ apublikavaŭ danyja pra jašče dźvie raspracoŭki — kryłatyja rakiety «Piekła» i «Ruta». Paznačana, što dalokaść «Piekła» — da 700 km, a chutkaść — 700 km/h. Vierahodna, jana maje bajavuju častku kala 50 kh i prasunutuju sistemu naviadzieńnia, jakaja dazvalaje mieć «Piekłu» vysokuju dakładnaść paražeńnia.

Što tyčycca rakiety «Ruta», to na pačatak śniežnia, sa słoŭ Zialenskaha, praciahvalisia jaje «paśpiachovyja vyprabavańni». Pavodle papiarednich źviestak, hetaja «rakieta-dron» maje dalokaść da 300 km i zdolnaja raźvivać chutkaść kala 500-800 km/h. Moža vykarystoŭvacca nie tolki dla ŭdarnych apieracyj, ale i dla raźviedki.

Ukrainskaja kryłataja rakieta «Piekła» prezientavanaja 6 śniežnia 2024 hoda. U toj dzień siłam abarony pieradali partyju hetych rakiet. Fota: Ofis prezidenta Ukrainy

Jašče adzin aśpiekt rakietnaj prahramy, a mienavita stvareńnie ŭkrainskaj balistyčnaj rakiety, amal nie aśviatlajecca. Z pačatku 2000-ch Kijeŭ pracavaŭ nad stvareńniem svajoj balistyki, viedučy raspracoŭku apieratyŭna-taktyčnaha rakietnaha kompleksu «Sapsan». Prajekt byŭ zakryty ŭ časy prezidenctva Viktara Janukoviča, ale paśla adnoŭleny pad ekspartnaj nazvaj «Hrom-2» (jon ža «Hrom»).

U 2018 hodzie pradstavili chadavy makiet ATRK, a ŭ lutym 2021 hoda Ministerstva abarony paabiacała zaklučyć kantrakt pa vyrabie pieršaj doślednaj batarei «Sapsana». Na toj momant stupień hatoŭnaści prajekta była kala 80%.

Pieršaja batareja «Sapsana» pavinna była składacca ź dźviuch puskavych ustanovak, jakija mohuć adstrelvać pa dźvie balistyčnyja rakiety, i mašyny zaradki dy dźviuch mašyn kiravańnia. Mierkavałasia, što balistyčnaja rakieta budzie mieć bajavuju častku kala 480 kh i dalokaść 280-480 km.

Ekspartny varyjant ATRK «Sapsan «pad nazvaj «Hrom-2» Ukraina vyrablała dla Saudaŭskaj Aravii (na fota). Fota: TSN

Padčas pres-kanfierencyi 27 žniŭnia 2024 hoda prezident Ukrainy Uładzimir Zialenski paviedamiŭ pra paśpiachovaje vyprabavańnie pieršaj ukrainskaj balistyčnaj rakiety. U kastryčniku jon zajaviŭ, što «novaja ŭkrainskaja balistyčnaja rakieta paśpiachova prajšła lotnyja vyprabavańni». Nazvu hetaj raspracoŭki jon nie apublikavaŭ.

Daradca prezidenta pa stratehičnych pytańniach Alaksandr Kamyšyn, adkazvajučy na pytańnie Bi-bi-si na pres-kanfierencyi 11 krasavika, admoviŭsia ahučyć padrabiaznaści adnosna ŭkrainskaj balistyki, ale padkreśliŭ:

«U nas jość balistyčnaja rakieta, jakaja vyrablajecca sieryjna, i jość paśpiachovyja jaje prymianieńni. Kropka».

Ministr Hierman Śmiatanin dadaŭ, što hetaja rakieta «vykarystoŭvajecca štomiesiac».

Kamientary2

  • .
    17.04.2025
    Jeśli Putlera nie ubierut, to skoro možno ožidať načała proizvodstva ukrainskoho tomahavka.
  • Odin
    17.04.2025
    Razanuła voka - "u minułym hodzie ". Letaś. Hramaciei...

Ciapier čytajuć

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu58

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Usie naviny →
Usie naviny

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

Bieraściejec pieratvaryŭ siamitonny vałun u kamiennuju vannu5

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili7

«Saŭt-park» žorstka vyśmiajaŭ Trampa. Bieły dom rezka asudziŭ12

bolš čytanych navin
bolš łajkanych navin

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu58

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Hałoŭnaje
Usie naviny →

Zaŭvaha:

 

 

 

 

Zakryć Paviedamić