Rakieta-dron «Palanica» — ukrainskaja raspracoŭka, vynik hrantavaj dziaržaŭnaj prahramy dla pryvatnych prajektaŭ i derehulacyi hetaj haliny.
Uładzimir Zialenski apublikavaŭ niekatoryja detali pra ŭkrainskuju rakietu-dron «Palanica». 24 žniŭnia ŭkrainskija vajskoŭcy ŭpieršyniu ŭdaryli pa vojsku RF hetaj novaj zbrojaj.
Uładzimir Zialenski zajaviŭ, što ŭkrainskija novyja zbrojevyja rašeńni, u pryvatnaści rakieta «Palanica» źjaŭlajecca realnym sposabam dla Ukrainy dziejničać, pakul partniory «tarmoziać» z pryniaćciem rašeńniaŭ.
U videa, jakoje apublikavaŭ prezident Ukrainy, havorycca, što adzin z samych efiektyŭnych sposabaŭ supraćstajać rasijskim rakietnym abstrełam — bić pa nośbitach hetaha ŭzbrajeńnia — rasijskich vajskovych aeradromach.
Adnak sajuźniki nie dazvalajuć vykarystoŭvać dla hetaha svajo ŭzbrajeńnie.
Tamu Ukraina zapuściła hrantavuju prahramu dla pryvatnych rakietnych prajektaŭ, inviestavała ŭ dziaržaŭnyja kanstruktarskija biuro i praviała derehulacyju dla stymulacyi hetaj haliny. I «Palanica» — pieršy vynik hetych namahańniaŭ.
Raspracoŭku zaviaršyli ŭsiaho za 1,5 hady. U miežach dziejańnia rakiety-drona — dva dziasiatki rasijskich vajskovych aeradromaŭ, havorycca ŭ videa.
«Palanica» budzie zapuskacca z naziemnaj płatformy. Ruchavik — turbareaktyŭny.
U videa kažuć, što zadača «Palanicy» — «abaranić mirnaje nasielnictva, źniščyŭšy nastupalny patencyjał voraha. I zrabić heta na jaho terytoryi».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary