Вайна33

Зяленскі расказаў пра ўкраінскую ракету-дрон «Паляніца»

Ракета-дрон «Паляніца» — украінская распрацоўка, вынік грантавай дзяржаўнай праграмы для прыватных праектаў і дэрэгуляцыі гэтай галіны. 

Уладзімір Зяленскі апублікаваў некаторыя дэталі пра ўкраінскую ракету-дрон «Паляніца». 24 жніўня ўкраінскія вайскоўцы ўпершыню ўдарылі па войску РФ гэтай новай зброяй. 

Уладзімір Зяленскі заявіў, што ўкраінскія новыя зброевыя рашэнні, у прыватнасці ракета «Паляніца» з'яўляецца рэальным спосабам для Украіны дзейнічаць, пакуль партнёры «тармозяць» з прыняццем рашэнняў.

У відэа, якое апублікаваў прэзідэнт Украіны, гаворыцца, што адзін з самых эфектыўных спосабаў супрацьстаяць расійскім ракетным абстрэлам — біць па носьбітах гэтага ўзбраення — расійскіх вайсковых аэрадромах.

Аднак саюзнікі не дазваляюць выкарыстоўваць для гэтага сваё ўзбраенне. 

Таму Украіна запусціла грантавую праграму для прыватных ракетных праектаў, інвеставала ў дзяржаўныя канструктарскія бюро і правяла дэрэгуляцыю для стымуляцыі гэтай галіны. І «Паляніца» — першы вынік гэтых намаганняў.

Распрацоўку завяршылі ўсяго за 1,5 гады. У межах дзеяння ракеты-дрона — два дзясяткі расійскіх вайсковых аэрадромаў, гаворыцца ў відэа. 

«Паляніца» будзе запускацца з наземнай платформы. Рухавік — турбарэактыўны. 

У відэа кажуць, што задача «Паляніцы» — «абараніць мірнае насельніцтва, знішчыўшы наступальны патэнцыял ворага. І зрабіць гэта на яго тэрыторыі».

Каментары3

  • Андрусь
    25.08.2024
    Ну чаму зноў "-ца"? Ну сэнс жа ўвесь у "-ця", бо яго маскаль не здольны вымавіць. Мы ж, беларусі і ўкраінцы, можам і вымаўляць, і пісаць. У нас ёсць мяккі гук [ц'].
  • Будзьце ўважлівымі
    25.08.2024
    Не "Паляныца", а "Паляныця".
  • 0101
    25.08.2024
    Крымскі мост?

Цяпер чытаюць

На толькі што адкрытай польскай мяжы ўжо ўтварылася чарга з трох тысяч аўтамабіляў1

На толькі што адкрытай польскай мяжы ўжо ўтварылася чарга з трох тысяч аўтамабіляў

Усе навіны →
Усе навіны

Міліцыя знайшла вандалаў, якія разнеслі бетонную агароджу могілак. Ім па дзевяць гадоў2

Жыхарку Полацка злавілі на хуткасці 190 км/г. Гэта яе 58‑е парушэнне

Беларусь атрымала афіцыйнае паведамленне ад польскага боку пра адкрыццё мяжы

Расійскі чыноўнік уцёк з-пад канвою ў судзе і схаваўся ў консульстве Арменіі. Гісторыя скончылася трагічна3

Ціханоўская сустракалася з Келагам у Нью-Ёрку7

Snoop Dogg згадзіўся правесці канцэрт у Расіі5

Рэкламны банер з Аляксандрам Глебам павесілі на тым скрыжаванні ў Мінску, дзе ён стаў удзельнікам смяротнай аварыі12

Наўроцкі ў ААН назваў сітуацыю з правамі чалавека ў Беларусі прыярытэтам Польшчы5

Прызнанне палесцінскай дзяржавы: ЗША застаюцца адзінай сілай, чый голас будзе мець вырашальнае значэнне15

больш чытаных навін
больш лайканых навін

На толькі што адкрытай польскай мяжы ўжо ўтварылася чарга з трох тысяч аўтамабіляў1

На толькі што адкрытай польскай мяжы ўжо ўтварылася чарга з трох тысяч аўтамабіляў

Галоўнае
Усе навіны →

Заўвага:

 

 

 

 

Закрыць Паведаміць