Ukraina raspracavała vysokadakładnuju bombu, jakaja moža stać «klučavoj zbrojaj» dla ŭdaraŭ pa rasijskich vajskovych abjektach, paviedamlaje Forbes. Pratatyp snarada trapiŭ na videa, źniataje niadaŭna ekipažam ukrainskaha źniščalnika padčas vyprabavańniaŭ.
Pavodle źviestak vydańnia, bomba abstalavanaja rakietnym paskaralnikam, vysoŭnymi kryłami i GPS-sistemaj, a dalokaść jaje palotu moža dasiahać prykładna 65 kiłamietraŭ.
Kali Ukraina naładzić sieryjnuju vytvorčaść hetych bombaŭ, jana zmoža nanosić udary pa terytoryi Rasii z toj ža častatoj, ź jakoj US RF abstrelvajuć Ukrainu anałahičnymi snaradami, adznačaje Forbes.
Novaja bomba papoŭnić pieralik vyrablenych va Ukrainie bojeprypasaŭ, takich jak kryłataja rakieta «Niaptun», dron-rakieta «Palanica» i mnostva dalnabojnych udarnych bieśpiłotnikaŭ.
Na fonie abmiežavanych pastavak zbroi ad Zachadu i zabaronaŭ na jaho vykarystańnie ŭ hłybini rasijskaj terytoryi Ukraina aktyŭna raźvivaje vytvorčaść ułasnych snaradaŭ. Tak, 24 žniŭnia USU paśpiachova vyprabavali dalnabojnuju rakietu-dron «Palanica» z dalokaściu palotu 700 kiłamietraŭ. Ministr abarony Ukrainy Rustem Umieraŭ paviedamiŭ, što hetuju rakietu płanujecca vykarystoŭvać dla ŭdaraŭ pa Rasii.
Zialenski raskazaŭ pra ŭkrainskuju rakietu-dron «Palanica»
Ukraina ŭpieršyniu ŭžyła svaju rakietu-dron «Palanica» pa celi ŭ Krymie
ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters
«My źbirajem ich, jak IKEA». Ukraina pry dapamozie zachodnich technałohij sama stvaraje drony, jakimi atakuje Rasiju
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary