Zialenski zvolniŭ kiraŭnika Sumskaj vajennaj administracyi z-za ŭznaharodžańnia vajskoŭcaŭ u Sumach 13 krasavika
Rašeńnie prezidenta Ukrainy ab zvalnieńni Uładzimira Arciucha było zaćvierdžana parłamientam, paviedamlaje «Suspilnie».
Hetuju infarmacyju paćvierdziŭ pastajanny pradstaŭnik urada Ukrainy ŭ Viarchoŭnaj Radzie Taras Mielničuk.
Napiaredadni mer Kanatopa Sumskaj vobłaści Arciom Siemianichin raspaviadaŭ, što 13 krasavika padčas rasijskaj ataki ŭ Sumach uznaharodžvali vajskoŭcaŭ z 117-j bryhady terytaryjalnaj abarony USU.
Siemianichin śćviardžaŭ, što mierapryjemstva było ŭzhodniena z kiraŭnikom AVA. Sam Uładzimir Arciuch zajaviŭ, što jon nie arhanizoŭvaŭ mierapryjemstva, a byŭ zaprošanym hościem.
Nahadajem, što ŭ Vierbnuju niadzielu 13 krasavika Rasija ŭdaryła pa Sumach, zahinuli 35 čałaviek, niekalkich dziasiatkaŭ paranienyja.
U Minabarony RF zajavili, što cellu ŭdaru pa Sumach byli ŭkrainskija vajskoŭcy.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary