Minčancy, čyj dom trapiŭ pad znos, prapanujuć pierajechać z centra ŭ Malinaŭku ci Łošycu. Jana suprać
Pryvatny dom žančyny na vulicy Sieńnickaj chutka źniasuć. Varyjant, što joj prapanavali, jana ličyć niespraviadlivymi. Tamu pajšła na pryjom da namieśnika staršyni Minharvykankama Alaksandra Černikava, piša «Minsk-Naviny».
Pryvatny dom minčanki, jaki raźmiaščajecca na vuł. Sieńnickaj, chutka pojdzie pad znos — u płanach horada na ŭčastku ŭ miežach vuł. Avakiana — Pienzienskaj — Sieńnickaj pabudavać šmatpaviarchoŭki.
Uzamien žančynie prapanujuć kvatery ŭ Malinaŭcy i Łošycy, ale jaje hetyja varyjanty jaje nie zadavalniajuć, pakolki ciažka dabiracca da mietro.
Namieśnik staršyni Minharvykankama adznačyŭ, što žančyna taksama maje prava raźličvać na hrašovuju kampiensacyju zamiest žylla, jakoje dajuć.
Adnak minčanka ličyć, što nie zmoža kupić za vydzielenuju sumu kvateru ŭ hetym rajonie — niedaloka ad centra — takoj ža płoščy, jak i jaje ciapierašni dom.
- Nakirujcie list zabudoŭščyku — UKB Minharvykankama, dzie vykažycie svaje pažadańni. Intaresy hramadzian imknucca ŭličvać: kali UKB budzie raźmiaščać kvateru patrebnaj płoščy ŭ žadanym vami rajonie, situacyja vyrašycca na vašu karyść. Minharvykankam taksama daviadzie vaš zvarot da zabudoŭščyka, — rastłumačyŭ Černikaŭ. — Źviarnicie ŭvahu na mikrarajon Paŭnočny, tam raście kvartał panelnych taŭnchausaŭ. Kali nie žadajecie žyć u šmatpaviarchoŭcy, toje heta niadrenny varyjant.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?5
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary