Pad Andrejeŭkaj ukrainskija vajskoŭcy źniščyli kałonu rasijskaj braniatechniki VIDEA
Rasijskaja desantna-šturmavaja hrupa z 12 braniavanych mašyn rušyła ŭ nastup pachodnaj kałonaj i była całkam źniščanaja dronami i artyleryjaj.
Kadry źniščeńnia rasijskaj desantna-šturmavaja hrupa apublikavaŭ Hienieralny štab USU. Pavodle źviestak štaba, praciŭnik sprabavaŭ prarvacca da ŭkrainskich pazicyj u rajonie siała Andrejeŭka ŭ Danieckaj vobłaści, zadziejničaŭšy dva ŭzvody piachoty i 12 adzinak braniatechniki — bajavych mašyn piachoty i tankaŭ.
Adnak nastup byŭ arhanizavany ŭ formie ščylnaj pachodnaj kałony, što zrabiła rasijskija siły lohkaj mišeńniu dla ŭkrainskaj artyleryi i bieśpiłotnikaŭ.
Pryčynaj takoha prasoŭvańnia, jak miarkujecca, stała adsutnaść u rasijan dastatkovaj kolkaści techniki ź inžyniernym abstalavańniem — u pryvatnaści, ź minnymi trałami. Heta nie dazvoliła im prasoŭvacca praz zaminiravanyja pali, tamu rasijskija padraździaleńni byli vymušanyja iści ŭsim sastavam pa adnoj asfaltavanaj darozie, što značna pavialičyła ryzyku paražeńnia.
U vyniku hrupa trapiła pad intensiŭny abstreł, a padryŭ na supraćtankavaj minie pieršaj mašyny i paražeńnie niekalkich inšych pryviali da błakiroŭki ŭsioj techniki.
Paviedamlajecca, što piachota, jakaja ruchałasia pobač z technikaj, paniesła vialikija straty ad artyleryjskaha ahniu i vykarystańnia kasietnych bojeprypasaŭ. Pavodle paćvierdžanaj infarmacyi, straty praciŭnika skłali 18 zahinułych i 7 paranienych. Usia braniatechnika była vyviedziena sa stroju — siem adzinak całkam zhareli.
Hienštab Ukrainy nie ŭdakładniŭ, jakija kankretna padraździaleńni prymali ŭdzieł u adbićci ataki, ale viadoma, što abaronu ŭ rajonie Andrejeŭki trymajuć bajcy 46-j asobnaj desantna-šturmavoj bryhady.
Rasijski bok ab hetym ničoha nie paviedamlaje.
Ciapier čytajuć
Andrej Švied, architektar represij, pryznačany staršynioj Viarchoŭnaha suda10
Kamientary