Były palitviazień Viktar Łosik raspavioŭ pra svajo vyzvaleńnie i pierajezd ź siamjoj u Polšču
Viktar Łosik, były člen inicyjatyŭnaj hrupy Viktara Babaryki, były niezaležny naziralnik i były palitviazień, upieršyniu paśla vyzvaleńnia apublikavaŭ post u sacsietkach.
«Ja viarnuŭsia ŭ sacsietki paśla čatyroch davoli nasyčanych hadoŭ, praviedzienych u «najlepšych sanatoryjach Biełarusi», — iranizuje Viktar. — Žyćcio ŭ hetyja hady było poŭnym vyprabavańniaŭ, adkryćciaŭ, novych krutych znajomstvaŭ i (kudy ž biez hetaha) — rasčaravańniaŭ. Ale hałoŭnyja vysnovy z hetaha vopytu, ja ŭpeŭnieny, napieradzie», — napisaŭ jon.
Viktar raskazaŭ, što try miesiacy jak ź siamjoj jon uładkoŭvajecca ŭ Polščy.
Jon padziakavaŭ tym, chto padtrymlivaŭ jaho hety čas — «heta było vielmi važna».
Viktar Łosik byŭ zatrymany 6 śniežnia 2020 hoda ŭ p. Chaciežyna Minskaha rajona. Jaho abvinavacili ŭ tym, što jon paviesiŭ na moście pudziły z fotazdymkami ministra ŭnutranych spraŭ i staršyni vybarčaj kamisii Chaciežanskaha ŭčastka dla hałasavańnia z nadpisam «Nie zabudiem, nie prostim!», a taksama namalavaŭ «Pahoniu» na budynkach i aporach masta.
Jamu było pradjaŭlena abvinavačvańnie pa č.1 art. 339 (chulihanstva) i art. 341 KK (apahańvańnie zbudavańniaŭ i psavańnie majomaści).
Viktar Łosik byŭ asudžany da čatyroch hadoŭ pazbaŭleńnia voli ŭ kałonii ahulnaha režymu.
-
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie
-
«Pakul ja ŭ Biełarusi, ja ŭ stanie abaraniać Sajuz palakaŭ». Pačobut patłumačyŭ, čamu choča viarnucca ŭ Biełaruś
-
MZS Rasii pachvaliłasia rasijskaj akcyjaj «Bieśśmiarotny połk» u Minsku
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie17
Kamientary