Dabratvor paprasiŭ siabroŭ skinucca hrašyma na svoj dzień naradžeńnia. Sabraŭ mienš za $2
Sabranaja suma ŭražvaje — ale nie ŭ tym sensie, jak chaciełasia b biełarusu.
Dniami były apazicyjny aktyvist Illa Dabratvor, jaki ciapier pracuje taksistam u Varšavie, napisaŭ u fejsbuku śviatočny dopis: «Pavinšavać mianie z dniom naradžeńnia lohka. Dastatkova pieravieści krychu hrošaj na rachunak», — i dadaŭ varyjanty, jak možna jamu zadanacić. U pryncypie ničoha niezvyčajnaha: tak rehularna robiać biełaruskija błohiery (z roznym pośpiecham).
Praz dva dni Illa apublikavaŭ sumnuju spravazdaču: vyśvietliłasia, što padarunkami jon u dzień naradžeńnia atrymaŭ 7 złotych (mienš za 6 biełaruskich rubloŭ, mienš za 2 dalary).
Jon rastłumačyŭ, što chacieŭ pravieści ekśpierymient. Kaža, što natchniŭ dopis sa stužki fejsbuka, u jakim niechta aburaŭsia, byccam ludzi źbirajuć hrošy na dapamohu, a paśla publikujuć fotazdymki z adpačynku. Tamu Illa i vyrašyŭ pravieryć, ci buduć danacić nie na niešta nieabchodnaje, a prosta na padarunak.
I voś da jakich vysnoŭ pryjšoŭ: «Ja heta da taho, što ŭvohule zbory hrošaj — tak sabie inicyjatyva. Źbirajuć vielmi mała, tamu ludzi iduć na roznyja chitryki, časam na adkrytuju chłuśniu. Bo kali napisać sumlenna «vielmi stamiŭsia, chaču adpačyć», to hrošaj nie daduć. Čas idzie, a ludzi nie mianiajucca. «Dom zhareŭ, mašyna zhareŭ, usio zhareŭ» — pracuje zaŭsiody».
Što cikava, paśla publikacyi druhoha dopisu niechta zadanaciŭ Illi jašče 25 złotych (kala 21 rubla). Jaki ž padarunak možna nabyć na takija šalonyja hrošy? Illa kaža, što krychu dadaść svaich i kupić 2 pački cyharet.
«Adbyvajecca hienacyd biełarusaŭ». Polski taksist Dabratvor pieravysiŭ chutkaść na 50 km/h i zastaŭsia biez pravoŭ
«Nikoli nie vyhaniajcie čałavieka na vulicu»: Illa Dabratvor skončyŭ ekśpierymient z žyćciom u mašynie
Dabratvor raskazvaje svaju praŭdu pra byłuju žonku: Jana abrała chrosnaj dla našych dziaciej mastačku Śviatłanu Žyhimont
Eks-žonka Illi Dabratvora, jaki žyvie ŭ mašynie: Kali ty nie navioŭ paradak u svajoj siamji, nie varta navodzić paradak u krainie
Ciapier čytajuć
Svajaki kaskadziora, jaki ledź nie zahinuŭ na aŭtašou ŭ Lidzie, raskazali, što ź im ciapier1
Kamientary