«Adbyvajecca hienacyd biełarusaŭ». Polski taksist Dabratvor pieravysiŭ chutkaść na 50 km/h i zastaŭsia biez pravoŭ
Były biełaruski aktyvist, a ciapier polski taksist Illa Dabratvor hłyboka aburany paradkami ŭ Jeŭrasajuzie.
Illa Dabratvor
U nasielenych punktach u Polščy dazvolenaja chutkaść — 50 km/h. Dabratvor pieravysiŭ jaje bolš čym udvaja, i z hetymi 100+ km/h jaho złaviła hramadzianskaja mašyna palicyi. Jon atrymaŭ amal 500 jeŭra štrafu, a taksama jamu na try miesiacy prypynili dziejańnie paśviedčańnia kiroŭcy.
«Ja pakul u šoku. Tolki kali sutyknuŭsia sam, pačynaješ razumieć, nakolki Biełaruś libieralnaja kraina, dzie dumajuć pra ludziej, kali nie tyčycca palityki, — napisaŭ u sacsietkach Dabratvor. — Nikoha nie cikavić, jak u Biełarusi, što praca zaležyć ad pravoŭ. Usim pofih. Zrešty, jak i va ŭsim jeŭrasaŭku, dzie na zvyčajnych ludziej plavać. Hałoŭnaje ž niejkaja efiemiernaja svaboda i demakratyja. Pry hetym kvitnieje stukactva i kuča kamier, prosta pavodle Orueła. Zmahajučysia z dyktaturaj, Jeŭrasajuz daŭno pieratvaryŭsia ŭ samy horšy z mahčymych uzoraŭ dyktatury. Faktyčny hienacyd biełarusaŭ za miažoj, pra jaki nie lubiać kazać apazicyjnyja palityki jość, byŭ i budzie. I budzie tolki horš».
Padpisčyki źviarnuli ŭvahu Dabratvora, što pieravyšeńnie na 50 km/h — zašmat, ale jon nie pahadziŭsia. «Tut usie tak jeździać», — pierakonvaje były aktyvist. «Narmalnaja chutkaść dla vopytnaha kiroŭcy, hetaja taja, na jakoj jon kantraluje mašynu. A na 50 km/h ja prosta zasnu i dakładna ŭrežusia. Usie maje DTZ byli na maleńkaj chutkaści», — zdajecca, Dabratvor pa-raniejšamu nie razumieje, čamu jaho aštrafavali.
Darečy, zhodna z polskim taryfikataram, štraf u 2000 złotych, jaki atrymaŭ Dabratvor, pryznačajecca za pieravyšeńnie chutkaści na 61-70 km/h. Akramia taho, palicyja maje prava prypyniać dziejańnie paśviedčańnia kiroŭcy na try miesiacy za pieravyšeńnie chutkaści na 50+ km/h u miežach horada.
***
Illa Dabratvor raniej byŭ aktyvistam partyi BNF. Paralelna supracoŭničaŭ z prarasijskim resursam «Politrinh», nie bačyŭ u hetym ničoha zahannaha. Razam z žonkaj i piaćciu dziećmi źjechaŭ ź Biełarusi ŭ Polšču, raźvioŭsia.
«Nikoli nie vyhaniajcie čałavieka na vulicu»: Illa Dabratvor skončyŭ ekśpierymient z žyćciom u mašynie
Dabratvor raskazvaje svaju praŭdu pra byłuju žonku: Jana abrała chrosnaj dla našych dziaciej mastačku Śviatłanu Žyhimont
Aktyvist Ilja Dabratvor: Ja vyrašyŭ viarnucca ŭ Biełaruś u nastupny paniadziełak. Vaskrasienski skazaŭ, što ŭsio budzie dobra
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary