Hramadzianin Izraila pryjechaŭ u Biełaruś i vielmi pra heta paškadavaŭ
Jak paviedamlaje izrailskaje vydańnie Ynet, hramadzianin Izraila, jaki pryjechaŭ u Biełaruś z žonkaj i dziećmi, byŭ zatrymany i prajšoŭ praź ciažkija fizičnyja i psichałahičnyja katavańni. Ciapier jon vyzvaleny i viarnuŭsia ŭ Izrail.
Imia paciarpiełaha pa prośbie jahonaj siamji nie nazyvajecca. Zatrymali ž jaho ŭ pačatku lutaha za «padpisku na ekstremiscki kantent», to-bok na fejsbuk-supołku, dzie abmiarkoŭvali žyćcio ŭ Izraili i Biełarusi.
Svajaki ličać, što sapraŭdnaj pryčynaj aryštu mužčyny staŭ udzieł jahonaha syna ŭ demanstracyi ŭ Izraili ŭ padtrymku biełaruskaj apazicyi.
Paśla aryštu suviaź z mužčynam pierapyniłasia, jon byŭ adpraŭleny na 15 sutak u izalatar, dzie jaho maryli hoładam i prymianiali inšyja mietady katavańnia.
Biełaruskija ŭłady kanfiskavali dakumienty izrailcianina, ale paźniej jon atrymaŭ časovy pašpart u pasolstvie Izraila i viarnuŭsia dadomu.
Syn paciarpiełaha raskazaŭ, što źviartaŭsia pa dapamohu ŭ MZS i pasolstva Izraila, ale atrymaŭ nie vielmi kankretnyja adkazy. Ciapier jahony baćka ŭ ciažkim stanie: asłableny i pasivieŭ, pieražyŭšy mocny stres.
Pra najaŭnaść u paciarpiełaha aprača izrailskaha jašče i biełaruskaha hramadzianstva nie paviedamlajecca.
Asudžany za «Hajun» da chimii brat Ihara Łosika ŭciok ź Biełarusi3
Kamientary