Staŭ viadomy žorstki prysud, vyniesieny žycharu Homiela za «zdradu dziaržavie»
U lutym 2025 hoda ŭ Homielskim abłasnym sudzie adbyŭsia razhlad kryminalnaj spravy pa č. 1 art. 356 (zdrada dziaržavie) Kryminalnaha kodeksa. Prysud hamielčuku Juryju Załatuchinu 25 lutaha vynies sudździa Dźmitryj Kazłoŭ, piša «Homielskaja viasna».
Jak ciapier stała viadoma, Juryj Załatuchin byŭ asudžany na 9 hadoŭ pazbaŭleńnia voli va ŭmovach uzmocnienaha režymu. U čym kankretna sudździa paličyŭ jaho vinavatym, ciapier vyśviatlajecca.
U toj ža dzień pravaabarončaja supolnaść pryznała Juryja Załatuchina palitźniavolenym, pakolki sudovy praces byŭ zakryty, što vyklikaje sumnieńni ŭ jaho abjektyŭnaści. A 21 lutaha, za čatyry dni da abviaščeńnia prysudu, MUS uklučyła Juryja ŭ svoj śpis «ekstremistaŭ».
Viadoma, što Załatuchin byŭ zatrymany niedzie ŭ kancy vieraśnia minułaha hoda. Spačatku jon byŭ aryštavany na 15 sutak pa artykule 19.11 KaAP — raspaŭsiud «ekstremisckich» materyjałaŭ. Praz 15 sutak adbyŭsia jašče adzin praces pa hetym ža artykule, a paśla Juryj, nie vychodziačy na volu, byŭ zatrymany pa kryminalnaj spravie.
Pa źviestkach pravaabaroncaŭ, raniej Juryj Załatuchin pracavaŭ na budoŭli, a jahonaja žonka — ukrainka.
Asudžany za «Hajun» da chimii brat Ihara Łosika ŭciok ź Biełarusi3
Kamientary