Palicyja Dubaja: 20-hadovaja madel z Ukrainy ŭpała z vyšyni na budoŭli
Maci, jakaja prylacieła z Narviehii, spadziajecca, što Maryja adnovicca.
Karystalniki internetu z usiaho śvietu šukajuć drabnički novaj infarmacyi pra los 20-hadovaj ukrainskaj madeli Onlyfans Maryi Kavalčuk, razhladvajuć jaje sacsietki i dajuć svaju acenku situacyi.
Nahadajem, dziaŭčynu znajšli na abočynie adnoj z daroh Dubaja ź pierałomami noh i chrybietnika paśla «viečarynki z šejchami». Jana pieraniesła niekalki apieracyj, ale pa-raniejšamu nie moža ruchacca.
Palicejskija abviarhajuć infarmacyju pra abočynu darohi. Ciapier śćviardžajecca, što dziaŭčyna ŭpała z vyšyni ŭ zonie budoŭli:
«Palicyja Dubaja paćviardžaje, što hramadzianka Ukrainy, pra źniknieńnie jakoj raniej paviedamlałasia, zaraz špitalizavana, atrymlivaje miedycynskuju dapamohu ŭ prysutnaści svajoj siamji. Usiebakovaje rasśledavańnie pakazała, što jana atrymała surjoznyja traŭmy paśla taho, jak adna ŭvajšła na abmiežavanuju budaŭničuju placoŭku i ŭpała z vyšyni».
Maci dziaŭčyny nasamreč prylacieła ŭ Dubaj z Narviehii, dzie znachodziłasia raniej, i budzie dapamahać Maryi. «Jana prachodzić miedycynskaje lačeńnie, i ŭsio budzie dobra», — skazała žančyna.
Historyja pryciahnuła ŭvahu vielmi mnohich sacyjalnych hrup, u tvitary viaducca sotni tredaŭ pra situacyju ź dziaŭčynaj. Fieministki ŭziali Maryju na ŭzbrajeńnie jak achviaru hvałtu. Ukraincy vykazvajucca nakont taho, nakolki darečna padčas vajny vieści taki ład žyćcia. Chapaje hałasoŭ i ad tych, chto piša «sama vinavataja, viedała, kudy išła».
Što cikavaha ŭ sacsietkach 20-hadovaj Maryi?
Apošni tvit Maryi — zrobleny za paŭtara miesiaca da trahiedyi — sabraŭ užo kala 140 tysiač prahladaŭ. Vidavočna, što absalutnaja bolšaść čytačoŭ zajšła na staronku paśla taho, jak daviedałasia pra situacyju ŭ Dubai. Navat ciapier u dziaŭčyny mienš za 4000 padpisčykaŭ, a było jašče mienš.
Staronka dziaŭčyny ŭ tvitary nazyvajecca «Doza ščaścia» i ŭtrymlivaje pad sotniu eratyčnych zdymkaŭ roznaj stupieni aholenaści.
Hramadskaja pazicyja adnojčy ŭsio ž prajaŭlajecca. Dopis z karcinaj u vyhladzie ŭkrainskaha ściaha padpisanaja #peaceforukraine (mir dla Ukrainy).
Cikava, što Maryja Kavalčuk niejak u Čarnahoryi pryniała ŭdzieł u akcyi salidarnaści z rasijskim palitźniavolenym Barysam Kaharlickim.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ3
Kamientary
Fieminizm hołovnoho mozha očień vriedien. Nasta Bazar naprimier sčitajet čto chiejt v jejo storonu eto potomu čto ona žienŝina.