«Nie spracavała ni adna ź sistem biaśpieki». Uładalnik Belgee, jaki dniami pieraviarnuŭsia ŭ Minsku, vyrašyŭ sudzicca z vytvorcam
Uładalnik aŭtamabila Belgee X50, jaki 17 sakavika patrapiŭ u avaryju ŭ Minsku, vyrašyŭ sudzicca z zavodam-vytvorcam. Pryčynaj stali, jak śćviardžaje sam vadziciel, sistemy biaśpieki aŭtamabila, jakija nie spracavali pry DTZ.
U DAI Minska paviedamili, što, pavodle papiaredniaj infarmacyi, 42-hadovaja kiroŭca Nissan, vyjazdžajučy z prylehłaj terytoryi, nie dała pieravahu Geely, jaki ruchaŭsia pa Daŭhinaŭskim trakcie. Ad udaru Geely adkinuła na aŭtamabil Volkswagen, a zatym jon pierakuliŭsia. U vyniku DTZ nichto nie paciarpieŭ, raspaviali ŭ DAI.
Kiroŭca Geely, jaki pieraviarnuŭsia, źviazaŭsia z Onliner i padzialiŭsia padrabiaznaściami zdareńnia.
Mužčyna zajaviŭ, što pry avaryi ŭ jaho aŭtamabili «nie spracavała ni adna ź sistem biaśpieki, jakija, jak śćviardžajecca, jość», z-za čaho jon vyrašyŭ sudzicca z zavodam-vytvorcam.
— Płanuju sudzicca z zavodam-vytvorcam, bo pry avaryi ŭ maim aŭtamabili nie spracavała ni adna ź sistem biaśpieki, jakija, jak śćviardžajecca, jość. Nie spracavała ni adna paduška biaśpieki, nie zabłakavaŭsia ruchavik, i ja, ležačy ŭ pierakulenym aŭtamabili, sprabavaŭ zahłušyć ruchavik, kab aŭtamabil nie zahareŭsia, - raspavioŭ jon.
Dla pačatku mužčyna vyrašyŭ dačakacca acenki paškodžańniaŭ śpiecyjalistam, paśla čaho jon płanuje źviazacca z aficyjnym dyleram i tolki paśla hetaha addać aŭto ŭ ramont, a pakul — rychtujecca da sudu.
Pry hetym mužčyna zaznačyŭ, što heta dla jaho nie pieršaje aŭto biełaruska-kitajskaha brenda. Pierad hetym jon, pa jaho słovach, mieŭ Belgee X70 i «jakich-niebudź prablem ź biaśpiekaj nie vyjaviŭ».
Ciapier čytajuć
Mer Minska chacieŭ sabie pasadu va ŭradzie, ale Łukašenka nie puściŭ2
Kamientary