Prezidenty ZŠA i Ukrainy razmaŭlali na nastupny dzień paśla pieramoŭ Trampa i Pucina.
«Tolki što adbyłasia vielmi dobraja telefonnaja razmova z prezidentam Ukrainy Zialenskim. Jana praciahnułasia kala hadziny. Bolšaja častka abmierkavańnia była zasnavanaja na ŭčorašniaj telefonnaj razmovie z prezidentam Pucinym, metaj jakoj było ŭzhadnić zapyty i patreby Rasii i Ukrainy.
My ruchajemsia napierad pa vyznačanym šlachu, i ja paprašu dziaržsakratara Marka Rubia i daradcu pa nacyjanalnaj biaśpiecy Majkła Uołca dać dakładnaje apisańnie pytańniaŭ, jakija abmiarkoŭvajucca. Hetaja zajava budzie apublikavanaja najbližejšym časam», — napisaŭ Tramp u svajoj satsietcy Truth.
Aficyjnych vynikaŭ razmovy pamiž Kijevam i Vašynhtonam jašče nie było.
18 sakavika adbyłasia telefonnaja razmova Trampa i Pucina. Jaje Tramp taksama vyznačyŭ jak «vielmi dobruju i praduktyŭnuju». Paviedamlałasia, što Pucin padtrymaŭ ideju Trampa ab uzajemnaj admovie Rasii i Ukrainy na 30 dzion ad udaraŭ pa enierhietyčnaj infrastruktury i daŭ takuju kamandu vajskoŭcam.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary