Staryja mohiłki ŭ Słucku razburajuć čas i vandały, ale achoŭvać ich nie źbirajucca

Adkaz ad Słuckaha rajvykankama adnosna stanu haradskich mohiłak, jakija znachodziacca ŭ žudasnym stanie, apublikavaŭ telehram-kanał «Spadčyna». Ź jaho vynikaje, što miascovyja ŭłady hatovyja tolki farmalna vykonvać svaje abaviazki, ale ŭ zachavańni histaryčnaj spadčyny horada nie zacikaŭlenyja. 

Niekropal u zaniapadzie

Haradskija mohiłki Słucka — adzin z samych značnych niekropalaŭ Minščyny. Hetaja terytoryja — nie prosta miesca pachavańnia, ale i histaryčnaja spadčyna, što zachoŭvaje pamiać pra vydatnych asob, jakija žyli i pracavali ŭ rehijonie. Adnak siońnia stan niekropala varty žalu: mnohija pachavańni zaraśli kustoŭjem, nadmahilli zaniadbanyja, a niekatoryja pierakulenyja i častkova razburanyja.

Asablivuju ŭvahu pryciahvaje stan najbolš značnych mahił. Tak, nadmahille siamji Vajniłovičaŭ, dzie spačyvaje, miž inšym, i dziadźka Edvarda Vajniłoviča — budaŭnika Čyrvonaha kaścioła ŭ Minsku, — choć i znachodzicca ŭ adnosna dobrym stanie, ale abielisk užo niebiaśpiečna nachiliŭsia i moža raźbicca.

Pavialičyć

Pavialičyć

Pavialičyć

Jašče adzin važny pomnik — čyhunnaja nieahatyčnaja kaplica z kryžam, jakaja staić u katalickaj častcy mohiłak. Adnak zamiest taho, kab być miascovaj słavutaściu, jana pieratvaryłasia ŭ śmietnik: unutry navalena śmiećcie, butelki z-pad piva, a na ścienach abraźlivyja nadpisy farbaj — «Sofija šł*cha».

Pobač na ziamli lažyć čyhunnaja kałona-nadmahille XIX — pačatku XX stahodździa, jakuju taksama nie śpiašajucca adnaŭlać.

Asobnaj uvahi patrabuje pratestancki siektar mohiłak, jaki znachodzicca pierad jaŭrejskaj častkaj. Tam možna pabačyć pavalenyja i zakinutyja nadmahilli, siarod jakich — mahiła Antonija Astachoviča, udzielnika vajny 1812 hoda i značnaha pratestanckaha dziejača. Taksama na mohiłkach pachavanyja hienierały Mievies, Symanovič, Cistraŭ, ale i ichnija mahiły zaniadbanyja.

Heta śviedčyć pra adsutnaść kłopatu pra histaryčnuju spadčynu horada, choć hetyja pachavańni vartyja dohladu, a sam niekropal — statusu historyka-kulturnaj kaštoŭnaści. 

Pavialičyć

Niama mohiłak — niama prablem

Adnak, jak vidać z adkazu rajvykankama, u miascovych uładaŭ inšy pohlad na spravu. Jany cytujuć biełaruskaje zakanadaŭstva ab pachavańniach, pa jakim dahladać za mahiłami pavinny svajaki. U dačynieńni da darevalucyjnych pomnikaŭ heta vielmi cynična — čym bolš kaštoŭny pomnik, tym bolšaja vierahodnaść, što naščadki asoby byli vymušanyja ŭciakać ź Biełarusi ci byli źniščanyja ŭ čas stalinskich represij. Mnohija mahli zahinuć u čas Druhoj suśvietnaj vajny, a tyja naščadki, što žyvuć siońnia, mohuć ničoha nie viedać pra svaich prapradziedaŭ i tym bolš pra toje, dzie jany byli pachavanyja — u saviecki čas było nie pryniata pra heta raskazvać i hetym cikavicca, poviaź časoŭ stračanaja. 

Pavialičyć

Miž tym, dobraŭparadkavańnie i invientaryzacyja ŭsich darevalucyjnych pachavańniaŭ mahli b hetuju poviaź dapamahčy adnavić, bo staryja mohiłki mohuć być važnaj krynicaj dla vyvučeńnia historyi Słucka i hienieałohii jaho žycharoŭ.

@nashaniva Vandały i čas pieratvaryli histaryčnyja mohiłki Słucka ŭ śmietnik #politika #novosti #biełaruś #słuck ♬ suara asli - milenia - ulinnuha

Ale čynoŭniki ličać razumnym prymianiać da takich pomnikaŭ tyja ž padychody, što da mahił, pastaŭlenych 50 hadoŭ tamu. I bolš za toje, jany inicyjatyvy nie prajaŭlajuć. Adkaz prosty — nie abaviazanyja, bo mohiłki nie źjaŭlajucca historyka-kulturnaj kaštoŭnaściu. Mienavita taki adkaz dali ŭ Słuckim rajvykankamie.

Adnak hetaha niedastatkova. Zastajecca raźličvać tolki na inicyjatyvu nieabyjakavych haradžan i miascovych krajaznaŭcaŭ, jakija mahli b tałakoj pryvieści niekropal da ładu. 

• 0
• 1
• 0
• 2
• 2
• 2
• 7
• 0