Paśla ŭviadzieńnia novych sankcyj ZŠA pastaŭki rasijskaj nafty ŭ Turcyju abvalilisia ŭ 4 razy
Turcyja amal u 4 razy skaraciła impart nafty z Rasii paśla ŭzmacnieńnia strohaści amierykanskich sankcyj, pad jakija trapili «Hazpram nafta», «Surhutnaftahaz» i bolš za 180 tankieraŭ «cieniavoha fłotu», piša The Moscow News.
U lutym adhruzki nafty rasijskaj marki Urals z bałtyjskich partoŭ Prymorska i Uść-Łuhi i čarnamorskaha Navarasijska ŭ kirunku Turcyi abvalilisia da 0,42 młn ton z 1,56 młn ton miesiacam raniej, paviedamlaje Reuters sa spasyłkaj na statystyku tankiernych pieravozak i znajomyja ź situacyjaj krynicy.
Vynikovyja abjomy ekspartu ŭpali da samaha nizkaha ŭzroŭniu sa śniežnia 2022 hoda paśla taho, jak ad rasijskaj nafty admoviŭsia najbujniejšy turecki naftapierapracoŭščyk — stambulskaja Turkiye Petrol Rafinerileri (Tupras). Kampanija pierastała prymać hruzy Urals, patrabujučy, kab jany adpaviadali sankcyjnym abmiežavańniam — u pryvatnaści, cenavaj stoli, jakaja vyznačanaja na ŭzroŭni $60 za barel.
Zamienu rasijskaj nafty tureckija NPZ šukajuć u Afrycy, naroščvajučy zakupki z rehijonu da 5-hadovych maksimumaŭ. Tak, pavodle danych Reuters, u lutym u party Turcyi prybyło 0,36 miljonaŭ ton livijskich marak Es Sider i Amna — u čatyry razy bolš, čym u studzieni (80 tysiač ton). A impart nihieryjskaj nafty Forcados Blend dasiahnuŭ 0,26 młn ton i staŭ samym vysokim z 2020 hoda.
Pavodle acenak Alfa-banka, praz novyja sankcyi Rasija moža stracić da 800 tysiač barelaŭ štodzionnaha naftavaha ekspartu, abo prykładna tracinu ŭsich abjomaŭ, što vyvoziacca tankierami z marskich partoŭ.
Kitaj zamianiŭ pałovu rasijskaj nafty pastaŭkami z Brazilii i Anhoły
Rasija nie moža z-za sankcyj pradać miljony barelaŭ nafty i rychtujecca skaračać zdabyču
Danija vyrašyła praviarać tankiery rasijskaha cieniavoha fłotu. Heta rezkaja źmiena raniejšych padychodaŭ
Kitaj i Indyja spynili zakupki rasijskaj nafty na fonie sankcyj
Z-za sankcyj ZŠA drejfujuć u mory jak minimum 65 tankieraŭ z rasijskaj naftaj
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary