U Breście niesumlenny pakupnik viarnuŭ u kramu stary niaspraŭny tavar zamiest novaha
U milicyju źviarnuŭsia supracoŭnik anłajn-hipiermarkieta. Jon raskazaŭ, što nieviadomy mužčyna šlacham padmanu zavałodaŭ robatam-pyłasosam, škoda skłała bolš za 600 rubloŭ.
Napiaredadni pa atrymańnie zakazu pryjšoŭ klijent, a praz sutki jon aformiŭ viartańnie nabytaj bytavoj techniki, atrymaŭšy hrošy za admienieny zakaz.
Padčas pravierki tavaru supracoŭnikami kramy była vyjaŭlena padmiena: zamiest novaha tavaru była viernuta technika sa śladami doŭhaha vykarystańnia. Akramia taho, viernuty tavar nie adpaviadaŭ upakoŭcy i techničnym charaktarystykam. Pry hetym šylda ź sieryjnym numaram mieła prykmiety źniešniaha ŭździejańnia — jaje pieraklejvali.
Chutka była ŭstanoŭlena asoba pakupnika. Im akazaŭsia 52-hadovy žychar Baranavičaŭ. Była pryznačana tavaraznaŭčaja ekśpiertyza.
Zhodna z zaklučeńniem ekśpierta ŭpraŭleńnia Dziaržkamiteta sudovych ekśpiertyz pa Bresckaj vobłaści, reštkavy košt raniejšaha robata-pyłasosa skłaŭ 68 rubloŭ, paviedamlaje Dziaržkamitet sudovych ekśpiertyz.
Čym kiravaŭsia klijent internet-kramy, viartajučy zamiest novaha tavaru vykarystany, vyśvietlić śledstva.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni1
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier22
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier2
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary