Adbyvać pakarańnie jon budzie ŭ vioscy Sitniki
Siońnia, 4 vieraśnia, administracyja baranavickaj speckamendatury paviedamiła Mikołu Statkieviču, što jaho pad achovaj paviazuć adbyvać pakarańnie ŭ inšaje miesca, u Puchavicki rajon. Kiraŭnik baranavickaj speckamendatury paviedamiŭ Mikołu Statkieviču, što pieravod robicca zhodna z rasparadžeńniem miascovaha prakurora.
Pakarańnie jon budzie adbyvać u speckamendatury ŭ vioscy Sitniki, što mieścicca na race Śvisłač, na aŭtatrasie Marjina Horka - Miensk, za niekalki kilametraŭ ad Marjinaj Horki.
Pavodle kiraŭnika "chimii", prakuror spasłaŭsia na toje, što Mikoła Statkievič adbyvaje pakarańnie ŭ parušeńnie zakanadaŭčych normaŭ: maŭlaŭ, pakolki palityk prapisany ŭ Miensku, jon pavinien adbyvać pakarańnie ŭ Mienskaj vobłaści.
Nahadajem, što palityk bolš za hod pravioŭ na chimii ŭ Baranavičach za arhanizacyju vuličnych demanstracyj pratestu suprać falsyfikacyi vynikaŭ vybaraŭ i referendumu-2004.
Za arhanizacyju vuličnych akcyj pakaranyja taksama Pavał Sieviaryniec, jaki prapisany ŭ Viciebsku i pakarańnie adbyvaje ŭ Viciebskaj vobłaści, a taksama miančuk Andrej Klimaŭ, jakoha ź Mienskaj vobłaści pieraviali na Homielščynu.
Mikoła Statkievič ličyć, što pieravod moža adkłaści na dalokuju perspektyvu ŭmoŭna-daterminovaje vyzvaleńnie. Palityk niepakoicca, što suprać jaho mohuć być užytyja pravakacyi, kab jaho realna pazbavić voli.
Fota Andreja Lankieviča, NN
Cikava, što ź 1 vieraśnia ŭ Puchavickim rajonie zarehistravany aficyjny juradras Biełaruskaj sacyjał-demakratyčnaj partyi (Hramada) - apanentaŭ BSDP (Narodnaja Hramada), jakoj kiruje Mikoła Statkievič.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj10
Kamientary