U Kazachstanie apublikavali papiaredniuju spravazdaču ab krušeńni azierbajdžanskaha samalota
U 53-staronkavaj spravazdačy Ministerstva transpartu Kazachstana adznačana, što abšyŭka samalota była paškodžanaja inšarodnymi pradmietami.
Pavodle materyjałaŭ spravazdačy, pieršapačatkovy ahlad zachavanych frahmientaŭ samalota vyjaviŭ mnostva skraznych i nieskraznych paškodžańniaŭ roznaj vieličyni i formy ŭ chvastavoj častcy fiuzielažu, kila i stabilizatara, ruloŭ vyšyni i napramku. Padobnyja paškodžańni byli vyjaŭlenyja na levym ruchaviku i levym kryle samalota, a taksama na ahrehatach i kampanientach pavietranaha sudna. U niekatorych miescach paškodžańni majuć pravilnuju pramavuholnuju formu.
Dla vyznačeńnia charaktaru i pachodžańnia skraznych paškodžańniaŭ, vyklikanych starońnimi abjektami, płanujecca pravieści adpaviednyja rasśledavańni i ekśpiertyzy.
Ekipaž borta avijakampanii Azal, jaki paciarpieŭ krušeńnie ŭ Kazachstanie, paviedamlaŭ pra mocny ŭdar i vybuch u rajonie zadnich kresłaŭ, havorycca ŭ spravazdačy.
Pasažyrski samalot Embraer 190 kampanii Azerbaijan Airlines (Azal) upaŭ 25 śniežnia minułaha hoda pablizu kazachstanskaha horada Aktau. Na borcie samalota, jaki nakiroŭvaŭsia z Baku ŭ Hrozny, znachodzilisia 67 čałaviek, 38 ź ich zahinuli. U Aktau samalot nakiravaŭsia paśla niekalkich sprobaŭ zrabić pasadku ŭ Hroznym. Nie dalacieŭšy da kazachstanskaha aeraporta kala troch kiłamietraŭ, jon paciarpieŭ krušeńnie.
Miarkujecca, što samalot moh być źbity rasijskaj SPA. Hetaja situacyja ŭžo vyklikała paharšeńnie adnosin pamiž Azierbajdžanam i Rasijaj. Aficyjny Baku patrabuje ad Kramla pryznańnia viny i prabačeńniaŭ, rasijskija ŭłady ad hetaha ŭchilajucca.
Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
«Pieršyja try dni my nie čuli ad Rasii ničoha, akramia varjackich viersij». Alijeŭ patrabuje ad Rasii vybačeńniaŭ i pryznańnia viny
Bortpravadnik, jaki vyžyŭ paśla padzieńnia azierbajdžanskaha samalota ŭ Kazachstanie, raskazaŭ, jak usio vyhladała znutry
Krynicy va ŭradzie Azierbajdžana paćvierdzili, što samalot Azerbaijan Airlines byŭ źbity rasijskaj rakietaj
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary