Premjer-ministr Izraila Bińjamin Nietańjachu sustreniecca z prezidentam ZŠA Donaldam Trampam u Biełym domie na nastupnym tydni. Nietańjachu stanie pieršym zamiežnym hościem Trampa paśla jaho viartańnia na pasadu prezidenta, piša Bi-bi-si.
Izrailskija aficyjnyja asoby paviedamili, što sustreča adbudziecca ŭ aŭtorak, 4 lutaha, i stanie pieršaj zamiežnaj pajezdkaj Nietańjachu paśla taho, jak u minułym hodzie Mižnarodny kryminalny sud (MKS) vydaŭ ordar na jaho aryšt u suviazi z abvinavačvańniami ŭ vajennych złačynstvach padčas vajny ŭ Hazie.
Adnak ZŠA, jak i Izrail, nie pryznajuć MKS, tamu Vašynhton nie abaviazany dziejničać pa jaho zapytach.
Nietańjachu taksama stanie pieršym zamiežnym hościem prezidenta Trampa paśla jaho inaŭhuracyi.
Lidary dźviuch krain abmiarkujuć: pastajannaje spynieńnie ahniu ŭ Hazie, jadziernuju pahrozu z boku Irana, pierśpiektyvy narmalizacyi adnosin pamiž Izrailem i Saudaŭskaj Aravijaj, jakaja była sarvanaja abo adkładzienaja z-za vajny ŭ Hazie.
U aficyjnym zaprašeńni, nakiravanym Nietańjachu ŭ sieradu i apublikavanym u izrailskich ŚMI, Tramp napisaŭ: «Ja ź nieciarpieńniem čakaju mahčymaści abmierkavać, jak my možam prynieści mir Izrailu i jaho susiedziam, a taksama namahańni pa supraćdziejańni našym ahulnym voraham».
«Dla mianie budzie honaram pryniać vas u jakaści pieršaha zamiežnaha lidara padčas majho druhoha terminu», — dadaŭ Tramp.
Apošnim časam prezident ZŠA vyklikaŭ abureńnie ŭ arabskim śviecie paśla nieadnarazovych zaklikaŭ da Jehipta i Iardanii dapamahčy «ačyścić» Hazu, pryniaŭšy bolšuju častku nasielnictva ankłava, razburanaha vajnoj.
Heta prapanova była rezka asudžana jak CHAMASam, tak i Paleścinskaj aŭtanomijaj. Iardanija i Jehipiet taksama adkinuli hetuju ideju.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary
- jany ž tam zamierznuć, - kažu
- jevriei nihdie nie propadut