«Tyraspaltranshaz» paviedamiŭ «Małdovahazu» pra zhodu na pastaŭki hazu ŭ Prydniastroŭje, paviedamiŭ prezident niepryznanaj respubliki Vadzim Krasnasielski. Pastaŭki byli spynienyja paśla taho, jak Ukraina admoviłasia ad tranzitu rasijskaha paliva ŭ Jeŭropu, piša RBK.
Krasnasielski adznačyŭ, što takoje rašeńnie pryniataje dla taho, kab žychary i sacyjalnyja ŭstanovy Prydniastroŭja jak maha chutčej atrymali ciapło i elektraenierhiju.
«Chaču źviarnuć uvahu na adnu detal: usie sprabujuć atrymać maksimum svaich dyvidendaŭ, razvažajučy pra niejkuju hieapalityku, pra niejkija tajnyja zmovy i hetak dalej. Zrazumiejcie: nijakaj zmovy niama. Jość prosta chałodnyja kvatery ŭ ludziej. Pierastańcie zajmacca palitykaj tam, dzie heta nie treba. Dajcie ludziam ciapło», — skazaŭ Krasnasielski.
Pavodle jaho słoŭ, «Tyraspaltranshaz» harantuje apłatu pastavak hazu, kab pieraadoleć enierhietyčny kryzis, jaki pačaŭsia ŭ Prydniastroŭi z pačatku hoda.
1 studzienia pastaŭki hazu ŭ Prydniastroŭje i Małdovu spynilisia z-za prypynku Ukrainaj tranzitu, a taksama sprečki «Małdovahazu» ab abaviazku z «Hazpramam». Tranzit rasijskaha paliva ŭ jeŭrapiejskija krainy adzinym maršrutam praz Ukrainu byŭ praduhledžany ŭmovami kantraktu pamiž «Hazpramam» i «Naftahazam», termin dziejańnia jakoha skončyŭsia 31 śniežnia.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary