Biznesmiena z Estonii aryštavali ŭ Biełarusi za palityku. Voś chto jon taki
Ałan Roja stvaryŭ Fond siabroŭ Biełarusi, jaki dapamahaŭ biełaruskim palitviaźniam. Fond nie pracuje z kanca 2021 hoda, ale heta nie pieraškodziła siłavikam pryznać jaho «ekstremisckim farmiravańniem» i aryštavać datyčnych.
Ałanu Roja 44 hady. Viadoma, što rodam jon z estonskaha horada Tartu. Paśla himnazii pastupiŭ u najbolšuju pryvatnuju vyšejšuju ŭstanovu Estonii — Mižnarodny ŭniviersitet Audentes.
Miarkujučy pa sacsietkach, u Ałana jość žonka-biełaruska i niepaŭnaletniaje dzicia. Apošnija hady siamja žyła ŭ Anhlii, u horadzie Čafard Chandred.
Roja pracavaŭ u roznych biznesach i zvyčajna adkazvaŭ tam za prodažy. Maje jon i ŭłasnuju kampaniju.
U kastryčniku 2020 hoda Ałan Roja i dva biełarusy — baskietbolny sudździa Alaksandr Syryca, jaki doŭhi čas žyvie ŭ Aŭstralii (ciapier — za kratami) i biełarus Aleh Stefanovič (jahony los nieviadomy) stvaryli Fond siabroŭ Biełarusi — Fund of Belarus friends.
Fond dapamahaŭ biełarusam, paciarpiełym ad represij. Jaho dziejnaść całkam spynili naprykancy 2021 hoda, a ŭ 2022-m zakryli jurasobu, jakaja ź im źviazanaja.
Ałana zatrymali kala hoda tamu, prykładna ŭ toj ža čas, što i Alaksandra Syrycu. A 16 studzienia 2024 hoda KDB uklučyŭ Fond siabroŭ Biełarusi ŭ śpis «ekstremisckich farmiravańniaŭ». Ciapier, pa źviestkach «Viasny», Ałan za kratami pa abvinavačańni ŭ jaho stvareńni.
«Naša Niva» — bastyjon biełaruščyny
PADTRYMAĆ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary