Pra śmierć 78-hadovaha halivudskaha režysiora paviedamili jahonyja svajaki ŭ fejsbuku.
«Z hłybokim škadavańniem my, jaho siamja, paviedamlajem pra śmierć čałavieka i mastaka Devida Linča. Ciapier u śviecie, kali jaho bolš niama z nami, vialikaja dzirka. Ale, jak skazaŭ by jon sam: «Sačycie za pončykam, a nie za dzirkaj», — napisali svajaki Devida Linča ŭ fejsbuku.
Devid Linč naradziŭsia 20 studzienia 1946 hoda, zdymać kino jon pačaŭ u 1967-m.
U 1972 hodzie Devid Linč prystupiŭ da pracy nad pieršym svaim poŭnamietražnym filmam — «Čałaviek-ścirka» (Eraserhead). Karcina vyjšła ŭ 1977 hodzie i adrazu zrabiła Linča kultavaj fihuraj.
Paśla taho byŭ filmy «Čałaviek-słon» i «Dziuna», a sieryjał «Tvin Piks», jaki vyjšaŭ na ekrany ŭ 1990 hodzie, niečakana pieratvaryŭsia ŭ kulturny fienomien.
Za film «Dzikija sercam» režysior byŭ uhanaravany «Załatoj palmavaj halinkaj» Kanskaha kinafiestyvalu 1990 hoda. Taksama jon byŭ łaŭreatam «Oskara» i «Załatoha lva».
U 1999 hodzie Devid Linč pastaviŭ film «Prostaja historyja». U vieraśni 2006 hoda ŭ ramkach Vieniecyjanskaha kinafiestyvalu adbyłasia premjera filma Linča «Unutranaja impieryja», a režysioru była ŭručanaja ŭznaharoda «Załaty leŭ» za ŭkład u raźvićcio suśvietnaha kiniematohrafa.
U 2017 hodzie Devid Linč zajaviŭ pra zakančeńnie svajoj prafiesijnaj karjery, ale paśla ŭsio ž vyrašyŭ zastacca ŭ kino.
U pačatku žniŭnia 2024 hoda Devid Linč paviedamiŭ, što chvareje na emfiziemu lohkich praz praciahłaje kureńnie.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia20
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary