U telehram-kanale Biełarusbanka paviedamili, što z 13 studzienia bank adnaviŭ pryjom na inkasa najaŭnaj zamiežnaj valuty ŭ dalarach ZŠA i jeŭra, jakaja vyklikaje sumnieŭ u płaciežnaści.
Pracedura «inkasa» praduhledžvaje nakiravańnie niejkim čynam paškodžanych kupiur (naprykład, ź ćvillu) na pravierku ŭ zamiežny bank za kamisijnuju ŭznaharodu.
U Biełarusbanku paškodžanyja kupiury buduć prymać z kamisijaj u 5% ad sumy valuty ŭ ekvivalencie biełaruskich rubloŭ (ale minimalnaja suma kamisii — 25 rubloŭ). Dadatkova klijent pakryvaje sumu raschodaŭ, paniesienych bankam u ramkach dahavornych adnosin z bankami-kontrahientami.
Akramia Biełarusbanka, padobnaja funkcyja dastupnaja i ŭ Biełhazprambanku. Tut paškodžanyja dalary i jeŭra mianiajuć na anałahičnyja banknoty ŭ toj ža valucie z kamisijaj u 12% ad sumy, ale nie mienš za 3 rubli. Pasprabavać zrabić taki abmien možna tolki ŭ adździaleńniach banka. Jak praviła, takija pytańni vyrašajucca niepasredna ŭ momant zvarotu adrazu paśla taho, jak śpiecyjalist pravieryć kupiuru.
Biełarusbank taksama zajaviŭ, što ŭ jaho niama abmiežavańniaŭ pa pryjomie dalaraŭ staroha ŭzoru. Usia valuta ZŠA zastajecca zakonnym płaciežnym srodkam, niezaležna ad taho, kali jana była vypuščanaja.
Pierad hetym u Biełarusi šyroka raspaŭsiudzilisia čutki, što ŭ biełaruskich bankach buduć prymać tolki dalaravyja kupiury najnoŭšych uzoraŭ.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary