«Naša Niva» paviedamlała pra toje što biełaruskija banki ŭdała śpiekulujuć na dysparytecie kredytnych stavak z Rasijaj, vydajučy kredyty ŭ rasijskich rublach rasijskim kampanijam pad harantyju rasijskich bankaŭ. Vyhadnaja dla biełaruskich bankaŭ situacyja stvaraje prablemy ŭ inšych siektarach ekanomiki. Ciapier Nacbank zahadaŭ bankam spynić hetuju praktyku.
U Rasii za minuły hod klučavaja staŭka vyrasła z 16% da 21%. U Biełarusi staŭka refinansavańnia zastajecca na ŭzroŭni 9,5%.
Rasijskija kampanii brali bankaŭskija harantyi ŭ rasijskich bankach i ź imi adkryvali kredytnyja linii ŭ biełaruskich bankach. Z ulikam kamisii za bankaŭskuju harantyju heta ŭsio roŭna vychodziła tańniej, čym brać u Rasii.
Rekordnyja prybytki biełaruskich bankaŭ mieli naturalny advarotny bok: źnižeńnie prapanovy hrošaj unutry Biełarusi, rost pamieru stavak u bok sinchranizacyi z rasijskimi, adpaviedna, pavyšeńnie koštu hrošaj u sabiekošcie biełaruskich vytvorcaŭ, što ŭpłyvała na rost cenaŭ dla spažyŭca i panižeńnie rentabielnaści dla vytvorcy.
Suma vydadzienych za hod kredytaŭ nierezidentam nie moža być aceniena pa ŭskosnych źviestkach,
my možam abapiracca tolki na słovy bankaŭskich insajdaraŭ, jakija kažuć pra istotnyja dla biełaruskaj ekanomiki ličby ŭ sotni miljonaŭ dalaraŭ.
I voś na hetym tydni Nacbank razasłaŭ pa biełaruskich bankach patrabavańnie spynić kredytavańnie nierezidentaŭ.
Technična, pa słovach našych surazmoŭcaŭ, Nacbank płanuje realizavać svoj płan tak: pavysić pracent abaviazkovaha reziervu pry kredytavańni nierezidentaŭ, što pavinna zrabić niavyhadnym takoje kredytavańnie.
Šerah kamiercyjnych bankaŭ, pa słovach našych surazmoŭcaŭ, užo spynili kredytavańnie nierezidentaŭ.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary