«Ja strašenna złaja». Maładaja maci ŭ šoku ad infrastruktury ŭ «Minsk-Śviecie»
Žančyna, jakaja žyvie ŭ «Minsk-Śviecie», paskardziłasia na dastupnaść asiarodździa ŭ rajonie dla maładych maci z vazkami.
Dziaŭčyna źviartaje ŭvahu, što ŭ rajonie nabudavali padziemnych pierachodaŭ, u jakich majucca spuskavyja lifty, ale kab dabracca ŭ tuju ž palikliniku, joj prychodzicca minuć čatyry takija pierachody.
«Pa vyniku ja spuściłasia ŭ hety padziemny pierachod, a padniacca ŭžo nie mahu, bo z čatyroch liftaŭ pracuje tolki adzin i na spusk. A pierachod znachodzicca dosyć nizka, i padymać vazok treba vielmi vysoka ŭ horku, kudy nie źmiaščajucca koły. Tamu mnie prychodzicca rabić vielizarnaje koła vakoł, kab dajści da palikliniki», — aburajecca maładaja maci.
Pry hetym zvyčajnyja naziemnyja pierachody, źviartaje ŭvahu žančyna, pobač adsutničajuć.
Mnohija salidarnyja ź joj u kamientarach: «Hetyja pierachody ŭ «Minsk-Śviecie» žudasnyja ź ich spuskavymi sistemami, jakija zusim nie pracujuć. U mianie vazok važyć bolš za 10 kiłahramaŭ i dzicia — 15 kiłahramaŭ, a sama ja 50, usio heta ciažka i niebiaśpiečna».
«Vielmi vas razumieju: siastra pryjazdžaje ź dziciom u vazku i ŭsio toje samaje. Voś vam i novy rajon z uparadkavanaściu. Lifty dla vyhladu. Jak invalidy spuskajucca?»
«Heta norma. U nas u Barysavie pabudavali padziemku i lift, ni dnia nie pracavaŭ ad słova zusim — vyklučna dla pryhažości», — skardziacca biełaruski.
«Ja ŭvohule bajałasia ŭ hetyja lifty zachodzić. U hetych pierachodach dosyć biaźludna, a lifty jeździać aby jak. Strašna tam zachrasnuć», — padzialiłasia bojaziami jašče adna žančyna.
«21 stahodździe na dvary, kali budujecie, uličvajcie ŭsie katehoryi hramadzian!» — zaklikajuć u kamientarach. Niechta ŭvohule adznačaje, što padziemnyja pierachody ŭ novych hustanasielenych rajonach siońnia — heta złačynstva.
Ale znajšlisia i tyja, chto pažartavaŭ z maładoj maci: maŭlaŭ, nabyła žytło ŭ biudžetnym rajonie, a nie elitnym, dyk čaho skardzišsia?
Bolš daśviedčanyja maci padzialilisia ŭžo vypracavanymi łajfchakami: «Na zadnich kołach možna spuskacca i padymacca pa leśvicy. Ja tak rablu».
Raniej KDK zajaŭlaŭ pra šmatlikija parušeńni, vyjaŭlenyja pry budaŭnictvie kompleksu «Minsk-Śviet». Zabudoŭščyk, «Dana Astra», byŭ vymušany zapłacić vialikija štrafy.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary