Hiensak NATA prystrašyŭ jeŭrapiejcaŭ pierśpiektyvami vyvučeńnia ruskaj movy ci evakuacyi ŭ Novuju Ziełandyju
Hienieralny sakratar NATA Mark Rute, vystupajučy ŭ Jeŭraparłamiencie, zajaviŭ, što kali Jeŭrasajuz nie budzie vydzialać bolš hrošaj na abaronu, to pierśpiektyvy ŭ jeŭrapiejcaŭ buduć nieviasiołyja.
Mark Rute zaklikaŭ jeŭrapiejskija ŭrady pavialičyć vajskovyja vydatki vyšej za ciapierašnija siarednija 2% VUP.
«Kali my hetaha nie zrobim, praz 4-5 hadoŭ nam daviadziecca iści na kursy ruskaj movy ci jechać u Novuju Ziełandyju», — skazaŭ Rute.
Pavodle jaho acenki, Rasija za try miesiacy vyrablaje stolki ž pradukcyi vajskovaha pryznačeńnia, što ŭvieś NATA za ceły hod.
«Uvohule, ekanomika Rasii nie bolšaja, čym ekanomika Niderłandaŭ i Bielhii, razam uziatych. Vy dvoje, razam uziatyja, i jość rasijskaja ekanomika. Ale jany vyrablajuć za try miesiacy toje, što ŭvieś NATA vyrablaje za hod […] U ich niama našych vysokich zarobkaŭ, u ich niama našaj biurakratyi, jany mohuć ruchacca z bolš vysokaj chutkaściu, i jany, faktyčna, stvaryli vajennuju ekanomiku», — adznačyŭ Rute.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy8
Kamientary