Apieratyŭna-analityčny centr (AAC) Biełarusi anulavaŭ zapisy rehistracyi damiennaha imia płatformy pa stvareńni pietycyj «Zručny horad» petitions.by, paviedamili stvaralniki partała.
«Damien petitions.by bolš nie naležyć nam i moža być vykarystany trecimi asobami, u tym liku strukturami, jakija mohuć vykarystoŭvać jaho ŭ złačynnych metach, naprykład, dla zboru vašych danych», — pišuć stvaralniki płatformy.
U prajekta zastaŭsia pracoŭny damien e-petitions.by. Stvaralniki sajta zajaŭlajuć, što ŭ najbližejšy čas płanujuć nabyć novy damien za miežami zony.BY i zrabić jaho asnoŭnym.
Pakul ža aŭtary prajekta zaklikajuć karystalnikaŭ vydalić usie apaviaščeńni ad petitions.by, jakija atrymali da anulavańnia.
Sud Centralnaha rajona Minska 30 śniežnia 2024 hoda pryznaŭ sajt, staronki ŭ Instagram, Facebook i Telegram płatformy Petitions.by «ekstremisckimi» materyjałami.
Z 2021 hoda sajt Petitions.by pierastaŭ adkryvacca ŭ Biełarusi.
Kamientary