Аператыўна-аналітычны цэнтр (ААЦ) Беларусі ануляваў запісы рэгістрацыі даменнага імя платформы па стварэнні петыцый «Зручны горад» petitions.by, паведамілі стваральнікі партала.
«Дамен petitions.by больш не належыць нам і можа быць выкарыстаны трэцімі асобамі, у тым ліку структурамі, якія могуць выкарыстоўваць яго ў злачынных мэтах, напрыклад, для збору вашых даных», — пішуць стваральнікі платформы.
У праекта застаўся працоўны дамен e-petitions.by. Стваральнікі сайта заяўляюць, што ў найбліжэйшы час плануюць набыць новы дамен за межамі зоны.BY і зрабіць яго асноўным.
Пакуль жа аўтары праекта заклікаюць карыстальнікаў выдаліць усе апавяшчэнні ад petitions.by, якія атрымалі да анулявання.
Суд Цэнтральнага раёна Мінска 30 снежня 2024 года прызнаў сайт, старонкі ў Instagram, Facebook і Telegram платформы Petitions.by «экстрэмісцкімі» матэрыяламі.
З 2021 года сайт Petitions.by перастаў адкрывацца ў Беларусі.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай37
Каментары