Małodšaja siastra kiraŭnika OpenAI padała na jaho ŭ sud za seksualizavany hvałt
Siastra ŭładalnika kampanii OpenAI i stvaralnika ChatGPT Sema Altmana padała pazoŭ u sud, vinavaciačy starejšaha brata ŭ damahańniach u dziacinstvie.
En Altman padała ŭ akruhovy sud u štacie Misury pazoŭ, u jakim śćviardžajecca, što jaje brat z 1997-ha pa 2006 hod padviarhaŭ jaje seksualizavanamu hvałtu. Pieršy epizod, pa śćviardžeńni Altman, adbyŭsia, kali joj było try hady, a Semu — 12. U pazovie havorycca, što Sem Altman ździajśniaŭ seksualizavany hvałt nad siastroj niekalki razoŭ na tydzień.
Altman prosić, kab spravu razhledzieŭ sud prysiažnych. Jana zaprasiła kampiensacyju ŭ pamiery bolš za 75 tysiač dalaraŭ.
Sem Altman razam z maci i bratami vypuścili zajavu, u jakoj admovili abvinavačvańni. U tekście havorycca, što śćviardžeńni En «zusim nie adpaviadajuć rečaisnaści», a situacyja «pryčyniaje mocny bol siamji».
Altman i jaho siamja zajaŭlajuć, što vyrašyli vykazacca publična paśla padačy isku, bo ličać abvinavačańni niespraviadlivymi. En, pavodle ich słoŭ, maje psichičnyja prablemy, na lačeńnie ad jakich siamja vydzialaje srodki, adnak jana praciahvaje patrabavać dadatkovyja finansavyja srodki i admaŭlajecca ad lačeńnia.
Sam Altman žanaty z daŭnim partnioram — inžynieram-prahramistam Olivieram Małchierynym. Jany tajemna pažanilisia hod tamu.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»19
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
heta chiba žart niejki