Малодшая сястра кіраўніка OpenAI падала на яго ў суд за сэксуалізаваны гвалт
Сястра ўладальніка кампаніі OpenAI і стваральніка ChatGPT Сэма Альтмана падала пазоў у суд, вінавацячы старэйшага брата ў дамаганнях у дзяцінстве.
Эн Альтман падала ў акруговы суд у штаце Місуры пазоў, у якім сцвярджаецца, што яе брат з 1997-га па 2006 год падвяргаў яе сэксуалізаванаму гвалту. Першы эпізод, па сцвярджэнні Альтман, адбыўся, калі ёй было тры гады, а Сэму — 12. У пазове гаворыцца, што Сэм Альтман здзяйсняў сэксуалізаваны гвалт над сястрой некалькі разоў на тыдзень.
Альтман просіць, каб справу разгледзеў суд прысяжных. Яна запрасіла кампенсацыю ў памеры больш за 75 тысяч даляраў.
Сэм Альтман разам з маці і братамі выпусцілі заяву, у якой адмовілі абвінавачванні. У тэксце гаворыцца, што сцвярджэнні Эн «зусім не адпавядаюць рэчаіснасці», а сітуацыя «прычыняе моцны боль сям'і».
Альтман і яго сям'я заяўляюць, што вырашылі выказацца публічна пасля падачы іску, бо лічаць абвінавачанні несправядлівымі. Эн, паводле іх слоў, мае псіхічныя праблемы, на лячэнне ад якіх сям'я выдзяляе сродкі, аднак яна працягвае патрабаваць дадатковыя фінансавыя сродкі і адмаўляецца ад лячэння.
Сам Альтман жанаты з даўнім партнёрам — інжынерам-праграмістам Оліверам Малхерыным. Яны таемна пажаніліся год таму.
-
Францыя, Германія і Вялікабрытанія папярэдзілі Іран пра магчымасць ваеннага ўмяшання
-
У Тэхасе мужчына расстраляў натоўп каля бара. СМІ звязваюць гэта з амерыканскімі ўдарамі па Іране
-
ЗША пацвердзілі выкарыстанне стэлс-бамбардзіроўшчыкаў B-2 для ўдараў па Іране. Яны выканалі беспасадачны пералёт праз палову свету з базы ў Місуры
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары
гэта хіба жарт нейкі