Сэм Альтман і яго даўні партнёр інжынер-праграміст Олівер Малхерын пажаніліся, піша Business Insider.
Фатаграфіі з вяселля гендырэктара OpenAI зʼявіліся ў сеціве ў чацвер, але многія палічылі, што яны створаныя штучным інтэлектам.
Аднак адзін з прысутных на вяселлі пацвердзіў Business Insider іх сапраўднасць. Месца і дата цырымоніі засталіся невядомымі.
Малхерын — даўні партнёр Альтмана, яны шмат гадоў захоўвалі свае адносіны ў таямніцы. Упершыню яны зʼявіліся разам на афіцыйнай вячэры ў Белым доме ў 2023 годзе. Пара жыве ў Сан-Францыска.
У лістападзе мінулага года гендырэктар кампаніі OpenAI Сэм Альтман, адзін са стваральнікаў сусветна вядомай нейрасеткі ChatGPT, быў нечакана звольнены з пасады. Гэтае рашэнне адразу ж выклікала сурʼёзны крызіс у OpenAI, які пагражаў цалкам знішчыць кампанію. У выніку Альтмана запрасілі наноў.
Каментары
дык так и скажыце