Praz adsutnaść kadraŭ adzin z adździełaŭ ledź spraŭlajecca z pracaj, ale heta nie spyniaje zvalnieńni za palityku.
Pra novuju chvalu pravierak supracoŭnikaŭ paviedamlaje vydańnie «Fłahštok» sa spasyłkaj na svaje krynicy, źviazanaja ź filijałam vytvorčaha abjadnańnia «Biełarusnafta» ŭ Rečycy.
Pravierki supravadžajucca vyklikami ŭ milicyju, pravierkaj telefonaŭ i pahrozami. Pracaŭniki bajacca adkryta havaryć pra heta.
Asablivaja ŭvaha padčas pravierak nadajecca padziejam 2020 hoda. U toj čas supracoŭniki ŭpraŭleńnia ŭdzielničali ŭ pratestach i zapisali videa ŭ padtrymku zvolnienych kaleh z upraŭleńnia pramysłova-hieafizičnych rabot (UPHR).
U 2021 hodzie było zatrymana kala 20 čałaviek, jakija ŭvachodzili ŭ niefarmalny čat upraŭleńnia. Šeść supracoŭnikaŭ byli asudžany, pryznany palitviaźniami i ŭžo adbyli terminy ŭ kałonijach. Z 2021 hoda ŭ filijale zvolnili abo nie padoŭžyli kantrakty z šeraham supracoŭnikaŭ.
Pavodle krynicy, načalnik upraŭleńnia palavych siejsmaraźviedvalnych rabot (UPSR) Andrej Łazavy skardzicca padnačalenym, što z-za niedachopu kadraŭ adzin z adździełaŭ ledź spraŭlajecca z pracaj. Tym nie mienš, mienavita načalnik UPSR u 2020 hodzie padtrymlivaŭ zvalnieńni svaich supracoŭnikaŭ, što pahoršyła ciapierašniuju kadravuju prablemu.
U śniežni 2021 hoda «Biełarusnafta» była ŭklučana ŭ piaty pakiet sankcyj Jeŭrapiejskaha sajuza. ES adznačyŭ, što kiraŭnictva kampanii zvalniała rabotnikaŭ, jakija abviaščali zabastoŭki, udzielničali ŭ antyrežymnych pratestach abo publična padtrymlivali ich. Tamu «Biełarusnafta» była pryznana adkaznaj za represii suprać hramadzianskaj supolnaści.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu4
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary