Ivan Naskievič vydaŭ knihu pra Śledčy kamitet — jaki jon raniej uznačalvaŭ
Naskievič i jaho suaŭtar, sudździa Kanstytucyjnaha suda Leanid Rabcaŭ, sfarmulavali Kancepcyju realizacyi dziaržaŭnaj kadravaj palityki ŭ sistemie orhanaŭ papiaredniaha śledstva i prapanujuć pryniać jaje.
Były staršynia Śledčaha kamiteta Ivan Naskievič staŭ suaŭtaram manahrafii, pryśviečanaj kadravaj palitycy ŭ viedamstvie. Razam z sudździoj Kanstytucyjnaha suda Leanidam Rabcavym jon padrychtavaŭ navukovaje vydańnie «Śledčy kamitet Respubliki Biełaruś jak subjekt realizacyi dziaržaŭnaj kadravaj palityki ŭ sistemie orhanaŭ papiaredniaha śledstva: administracyjna-pravavyja aśpiekty» (PDF).
Kniha vyjšła ŭ śniežni 2024 hoda ŭ dziaržaŭnaj arhanizacyi «Budmiedyjaprajekt».
U joj Naskievič i Rabcaŭ sfarmulavali Kancepcyju realizacyi Śledčym kamitetam dziaržaŭnaj kadravaj palityki ŭ sistemie orhanaŭ papiaredniaha śledstva i prapanujuć pryniać jaje.
Što ŭ knizie cikavaje, dyk heta vyniki ankietavańnia bolš čym 300 supracoŭnikaŭ Śledčaha kamiteta. Składana acanić praŭdzivaść adkazaŭ, ale niekatoryja ź ich śviedčać pra realnyja prablemy ŭ sistemie.
Naprykład, jakija jość asnoŭnyja niedachopy pracy z maładymi supracoŭnikami? 47% apytanych nazyvajuć adsutnaść realnaha zaachvočvańnia za pracu, jašče 21% pryznaje, što takaja praca zvodzicca tolki da farmalnaha afarmleńnia spravazdač.
U adkazie na pytańnie pra prablemy padboru kadraŭ 47% apytanych kažuć, što kandydaty na słužbu majuć niedastatkovuju padrychtoŭku dla taho, kab pracavać śledčymi.
36% respandentaŭ miarkujuć, što na pracu ŭ SK možna brać ludziej, jakija majuć viedy ŭ infarmacyjnych technałohijach, ekanomicy i finansach, ale nie atrymali vyšejšuju jurydyčnuju adukacyju. Jašče 48% pahadžajucca z tezisam, adnak ličać, što takim ludziam usio ž treba prajści pierapadrychtoŭku.
A siarod niedachopaŭ ideałahičnaj pracy 50% nazyvajuć jaje zališniuju farmalnaść, 21% — toje, što niama mierapryjemstvaŭ, jakija ŭpłyvajuć na vynikovaść śledčaj dziejnaści, 17% — što ideałahičnaja praca zvodzicca da spartyŭnaha składniku.
Ivan Naskievič naradziŭsia ŭ 1970 hodzie ŭ Stolinskim rajonie. Skončyŭ Ukrainskuju dziaržaŭnuju jurydyčnuju akademiju (1995), Paleski dziaržaŭny ŭniviersitet (2005) i Akademiju kiravańnia (2016). Kandydat jurydyčnych navuk.
U 1995-2015 hoda słužyŭ u orhanach prakuratury Bresckaj vobłaści. U 2015-2021 uznačalvaŭ Śledčy kamitet.
Ličyŭsia pradstaŭnikom libieralnaha kryła siłavikoŭ. Śledčy kamitet pry im źbiraŭ fakty katavańniaŭ na Akreścina. Adnak chodu hetaj inicyjatyvie nie dali, a Naskievič byŭ adpraŭleny ŭ adstaŭku. Razam z tym, ličycca, što mienavita jon prapanavaŭ ideju zavodzić kryminalnyja spravy na absalutna ŭsich udzielnikaŭ akcyj pratestu pa artykule 342 Kryminalnaha kodeksu.
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary
I voś, mara ździajśniajecca, ministerstva vydaje knižku spadara Naskieviča i navat nakład razam ź ministerstvam dabra imilicyi raskupaje.
Ale ty niečym niezadavoleny... Nie nie, nie isnavańniem ministerstvaŭ i hvałtoŭnym pieraraźmierkavańniem. Viadoma nie, ty prahnieš pravilnuju łatušku na čale ministerstva
DFR Diepartamient finansovych rasśledovanij Komitieta hosudarstviennoj biezopasnosti Riespubliki Biełaruś.
Niet, ja znał, koniečno, čto počti vsio nyniešnieje rukovodstvo DFR iz KHB, no čtoby sam diepartamient užie cielikom i połnosťju pieriešioł iz struktury KHK v sostav KHB...