Siońnia pačali sudzić viciebskaha doktara, jakoha mocna źbili pry zatrymańni
Alaksandra Randarenku i Dzianisa Saŭčanku zatrymali ŭ krasaviku — padčas anłajn-stryma z pravakataram jany skazali, što «śviatkujuć» terakt u «Krokus Sici Chole», piša «Viasna».
Praź niekalki dzion siabroŭ asudzili za «prapahandu nacyzmu» (č. 1 art. 19.10 KaAP) — i kali dla Saŭčanki hetym administracyjnym sudom usio i skončyłasia, to dla Randarenki — tolki pačynałasia. Alaksandru pryznačyli jak minimum 75 sutak aryštu. Pry hetym niekatoryja sutki jamu dali prosta za najaŭnaść ukrainskaha vympieła na stale i vykryk «Słava Ukrainie» padčas tranślacyi ŭ čat-ruletcy.
Paźniej stała viadoma, što ŭ dačynieńni da Randarenki raspačali kryminalnuju spravu za «reabilitacyju nacyzmu» (č. 1 art. 130-1 KK) i «raspalvańnie varožaści» (č. 1 art. 130 KK). Sudzić chłopca pačali 17 śniežnia ŭ Viciebskim abłasnym sudzie ŭ zakrytym režymie, sudździa — Jaŭhien Burunoŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary