Pra źniščeńnie siryjskaha fłotu paviedamiŭ ministr abarony Izraila Israel Kac padčas naviedvańnia bazy VMS u Chajfie, piša The Times of Israel.
Karabli vajskova-marskich sił Izraila źniščyli siryjski vajskovy fłot u paniadziełak uviečary, zajaviŭ ministr abarony Izraila Israel Kac. Pavodle jaho słoŭ, apieracyja była praviedziena ŭ ramkach kampanii pa likvidacyi stratehičnych pahroz Izrailu, paviedamlaje Reuters.
Arabskija miedyja raniej raspaŭsiudzili fatahrafii i videazapisy, na jakich bačnyja patanułyja siryjskija vajskovyja karabli ŭ porcie Łatakii, jakija atrymali paškodžańni paśla izrailskaj ataki.
Akramia taho, ministr abarony Izraila zajaviŭ, što CACHAŁ umacoŭvajecca ŭ bufiernaj zonie «pamiž Siryjaj i Hałanskimi vyšyniami». Kac zaklikaŭ stvaryć na poŭdni Siryi «sterylnuju abarončuju zonu» biez pastajannaj prysutnaści izrailskich sił, kab praduchilić lubuju pahrozu Izrailu.
Reuters taksama paviedamlaje, što Izrail u aŭtorak nanios avijaŭdary pa vajskovych abjektach pa ŭsioj terytoryi Siryi i źniščyŭ dziasiatki viertalotaŭ i samalotaŭ. Izrailskija krynicy paviedamlajuć, što raniej na hetyja abjekty sprabavali prakraścisia bajeviki «Chiezbały».
Turcyja, Jehipiet, Katar i Saudaŭskaja Aravija asudzili dziejańni Izraila.
Kamientary