Dziaŭčynu z Baranavičaŭ vinavaciać va ŭdziele ŭ rajonnym čacie. Jak na jaje mahli vyjści siłaviki?
Hubazikaŭcy vykłali aŭdyja ź dziaŭčynaj, jakuju vinavaciać va ŭdziele ŭ čacie «Biełyja kryły Baranavičy». Raskazvajem, jak jaje mahli deananimizavać.
Volzie Mikałajevaj 30 hadoŭ. Rodam jana z Baranavičaŭ. Paśla vučoby va ŭniviersitecie ŭ Minsku viarnułasia ŭ rodny horad. U dziaŭčyny jość muž i družnaja siamja.
Dziaŭčyna hraje na barabanach i ŭ studenctvie była bubnačkaj u amatarskich muzyčnych hurtach. Razam z mužam jany lubiać padarožničać pa Biełarusi i śviecie.
Kali KDB abvieściŭ čat «Biełyja kryły Baranavičy» — zusim mały i daŭno nieaktyŭny rajonny čat —ekstremisckim farmiravańniem, siarod liku ŭdzielnikaŭ była nazvanaja Volha. Nakolki viadoma, jana nie była tam administrataram, ale technična siłaviki mohuć ukazvać u svaim śpisie imia luboha z udzielnikaŭ čata, nieabaviazkova stvaralnika.
Vyjšli na Volhu praź nieabaronieny akaŭnt. Jon byŭ pryviazany da ŭłasnaha numara dziaŭčyny i prabivajecca praz boty, jakimi karystajucca hubazikaŭcy.
Volhu zatrymali bolš za miesiac tamu. Usie jaje sacsietki i miesiendžary nieaktyŭnyja — imavierna, dziaŭčynu źmiaścili ŭ SIZA.
Hubazikaŭcy śćviardžajuć, što suprać jaje zaviali kryminalnuju spravu. Adnak detali nie ahučvajuć.
«Naša Niva» — bastyjon biełaruščyny
PADTRYMAĆCiapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary