Nievialiki statak vyjšaŭ prosta da trasy M6 u Iŭjeŭskim rajonie.
«Usio adbyvajecca ŭ rajonie Rasolišak. Heta Iŭjeŭski rajon. Ludziej i mašyn nie bajacca. Budźcie ŭvažlivyja na tym učastku», — raspaviadajuć čytačy Newgrodno.by.
Mašyny prytarmažvajuć, uhledzieŭšy koniej. Chtości navat ładzić fotasiesiju. Niekatoryja asabliva śmiełyja padychodziać bližej i kormiać z ruk. Choć tak pastupać ź dzikimi žyviołami niebiaśpiečna.
Heta — tarpany. Tarpanavidnyja koni kaliści žyli ŭ Biełarusi, ale potym pa roznych pryčynach źnikli. Niekalki hadoŭ tamu ich papulacyju stali adradžać u Nalibockaj puščy. Siudy vypuścili kala sotni tarpanaŭ.
Žyvioły hetyja vielmi karysnyja. Tarpany čyściać pašy niby žyvyja hazonakasiłki i nie dajuć im zarastać. Paśla hetaha pašy stanoviacca prydatnymi dla zubroŭ, aleniaŭ i inšych žyvioł.
Uzimku, adznačym, dzikija žyvioły časta vychodziać da tras. Kapytnych, naprykład, na darohu pryciahvaje sol, jakoj apracoŭvajuć prajeznuju častku. Tak što kiroŭcam varta być uvažlivymi i ŭličvać hety fakt. Asabliva pry ruchu ŭ ciomny čas sutak.
Kamientary