Ministram kultury pryznačany artyst Rusłan Čarniecki
U adroźnieńnie ad kaleh, u 2020-m Čarniecki prysiahaŭ u lubovi Łukašenku. Za heta jon sioleta byŭ pryznačany deputatam Pałaty pradstaŭnikoŭ.
Paśla 2020 hoda Čarniecki staŭ adnym z samych aktyŭnych jabaciek, nieadnarazova padkreślivaŭ heta ŭ šmatlikich intervju. U jakaści deputata Pałaty pradstaŭnikoŭ adpracavaŭ mienš za hod. Ciapier, vyhladaje, deputackaje kresła stanie vakantnym — spałučać dźvie pasady nielha.
Raniej ministram kultury byŭ 53-hadovy Anatol Markievič — školny nastaŭnik, jaki doŭhi čas uznačalvaŭ Navahrudski rajvykankam i nie mieŭ nijakaha dačynieńnia da kultury. Pry Markieviču na poŭnuju siłu zapracavali «čornyja śpisy» dziejačaŭ kultury, jakim nie davali vystupać u Biełarusi.
Tym nie mienš prarasijskija aktyvisty nakštałt Volhi Bondaravaj ličyli dziejańni Markieviča niedastatkova radykalnymi i patrabavali jaho adstaŭki.
Rusłan Čarniecki naradziŭsia 1 lipienia 1981 hoda ŭ Minsku. Pa pieršaj adukacyi aŭtaślesar, skončyŭ teatralny fakultet Biełaruskaj dziaržaŭnaj akademii mastactvaŭ pa śpiecyjalnaści «Akciorskaje majsterstva dramatyčnaha teatra i kino».
Pracuje ŭ Nacyjanalnym akademičnym dramatyčnym teatry imia Maksima Horkaha, aktyŭna zdymajecca ŭ kino, viadzie prahramu «Naša ranica» na ANT.
Zasłužany artyst Biełarusi.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Inačie, minstrom antikultury nie stanieš.
a i praŭda. školny nastaŭnik Anatol Markievič akazaŭsia zanadta miakkim dla radykalnych dziejańniaŭ pra pretvareńni ŭ žućcio šyzafreničnych idej darmajedki z kryminałkaj bondaravaj