Śviet88

Kabieli ŭ Bałtyjskim mory paškodziŭ kitajski suchahruz, jaki pieravoziŭ rasijskija ŭhnajeńni

Jon praciahnuŭ jakar 180 kiłamietraŭ pa marskim dnie.

Jeŭrapiejskija vajennyja karabli ŭžo niekalki dzion utrymlivajuć kitajski handlovy suchahruz Yi Peng 3 u mižnarodnych vodach. Pavodle paviedamleńniaŭ, sudna daŭžynioj 225 mietraŭ i šyrynioj 32 mietry, jakoje pieravoziła rasijskija ŭhnajeńni, naŭmysna paškodziła dva važnyja padvodnyja kabieli ŭ Bałtyjskim mory, piša Bild.

Hazieta Wall Street Journal piša: «Hihancki suchahruz, jaki pakinuŭ rasijski bałtyjski port Uść-Łuha 15 listapada, praciahnuŭ svoj jakar na 111 mil (180 kiłamietraŭ) pa marskim dnie, kab parvać kabieli».

Kali padazreńni paćvierdziacca, heta budzie čarhovaj atakaj Rasii na krytyčna važnuju dla Jeŭropy infrastrukturu.

Paškodžańni padvodnych kabielaŭ adbylisia 17 i 18 listapada ŭ šviedskich vodach. Pieršy kabiel byŭ pierarezany pamiž Šviecyjaj i Litvoj. U hety momant byŭ adklučany transpondar sudna, jaki fiksuje jaho pieramiaščeńnie. Ekśpierty pa marskich pieravozkach nazyvajuć takija incydenty «ciomnymi zdareńniami».

Adnak spadarožnikavyja danyja pakazvajuć: niahledziačy na značnaje źnižeńnie chutkaści, sudna Yi Peng 3 praciahvała ruch. Jano pierarezała jašče adzin kabiel pamiž Hiermanijaj i Finlandyjaj, a zatym ruchałasia pa zihzahapadobnaj trajektoryi, paśla čaho padniała jakar.

«Uličvajučy spakojnaje nadvorje i adsutnaść mocnych chval, vierahodnaść vypadkovaha paškodžańnia kabielaŭ jakaram minimalnaja», — zajaviła analityčnaja kampanija Kpler, jakaja zajmajecca analizam dadzienych u halinie mižnarodnaha sudnachodstva, u intervju dla Wall Street Journal.

Rasija admaŭlaje luboje dačynieńnie. «Absurdnyja i biespadstaŭnyja abvinavačvańni», — śćviardžajuć u Kramli. Adnak na borcie kitajskaha suchahruza znachodziacca rasijskija maraki.

Zhodna z marskim pravam, karabli NATA nie majuć prava prymusić Yi Peng 3 zajści ŭ adzin sa svaich partoŭ. Tamu niamieckija i šviedskija ŭłady viaduć pieramovy z uładalnikam sudna, kab atrymać dostup na bort. Niamiecki patrulny karabiel Bamberg taksama znachodzicca na miescy, kab daśledavać paškodžańni z dapamohaj padvodnych dronaŭ.

Kamientary8

  • kitajskij suchohruz
    29.11.2024
    Voron voronu pomožiet
  • Noŭnejm
    29.11.2024
    "Viadzie pieramovy z uładalnikam".. A kali nie atrymajecie dazvoł, dyk apuścicie?🤦
  • Hnoj
    29.11.2024
    Tak nichto i nie vinavaty

Ciapier čytajuć

Azaronki 1930-ch: jak skłaŭsia ich los16

Azaronki 1930-ch: jak skłaŭsia ich los

Usie naviny →
Usie naviny

«Hieroi» za dziaržaŭny košt. Kolki ŭ Biełarusi zapłacili ź biudžetu miedyjnym televiadoŭcam2

«Il russkij ot pobied otvyk?» U centry Minska siońnia dekłamavali «Paklopnikam Rasii» Puškina40

Muža piśmieńnicy Jaŭhienii Pastarnak asudzili za finansavańnie «ekstremizmu»1

«Biełavija» pakazała novy samalot — padsankcyjny Airbus1

Minčanka kinuła stalicu, adnaviła chatu 1905 hoda — i ščaślivaja2

U Homiel pryjedzie Hryhoryj Leps, kvitkoŭ užo amal niama17

Ci moža pasažyr nie płacić za prajezd druhi raz, kali jahony aŭtobus staŭ z-za daždžu?

PVK «Vahnier» pakidaje Mali3

Tom Kruz trapiŭ u Knihu rekordaŭ Hinesa za truk u apošnim filmie «Misija nievykanalnaja»

bolš čytanych navin
bolš łajkanych navin

Azaronki 1930-ch: jak skłaŭsia ich los16

Azaronki 1930-ch: jak skłaŭsia ich los

Hałoŭnaje
Usie naviny →

Zaŭvaha:

 

 

 

 

Zakryć Paviedamić