Novym ministram unutranych spraŭ Litvy moža stać čałaviek, jaki vałodaje biełaruskaj movaj
Abrany premjer-ministr Litvy Hintaŭtas Pałuckas vyznačyŭsia z kandydatam na pasadu ministra ŭnutranych spraŭ. Hetuju pasadu prapanujuć Uładzisłavu Kandratoviču, pradstaŭniku nacyjanalnaj mienšaści.
Ciapier Uładzisłaŭ Kandratovič źjaŭlajecca kiraŭnikom haradskoj administracyi Vilenskaha rajona, a raniej va ŭradach Saŭlusa Skviarnialisa i Alhirdasa Butkiavičusa jon zajmaŭ pasadu namieśnika ministra transpartu.
Kandratovič naradziŭsia ŭ 1972 hodzie, pa śpiecyjalnaści inžynier-budaŭnik, a ŭ nacyjanalnym sensie ličyć siabie palakam. Mnohija hady Uładzisłaŭ Kandratovič bałatavaŭsia ŭ roznyja vybarnyja orhany pa śpisach partyi «Vybarčaja akcyja palakaŭ Litvy — Sajuz chryścijanskich siemjaŭ», ale ciapier źviazaŭ svoj palityčny los z sacyjał-demakratami.
Adznačajecca, što akramia litoŭskaj i polskaj, Uładzisłaŭ Kandratovič volna vałodaje rasiejskaj i anhielskaj, a taksama biełaruskaj movami.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary