Usiaho patrochu66

Dvoje źniavolenych začali dzicia, pieradajučy śpiermu praź vientylacyjnuju šachtu

Toje było nie tak prosta: aboje siadzieli ŭ adzinočkach. Na roznych etapach jany sutyknulisia z roznymi «techničnymi» vyklikami.

Dejzi Ł. i Džoan D. začali dzicia ŭ turmie — śpiermu jany pieradavali praź vientylacyjnuju šachtu. Usio pačałosia z zapisak i fotaŭ. Kali jany zrazumieli, što heta kachańnie, jany pierajšli da praktyčnaj realizacyi svajoj zadumy.

U intervju amierykanskamu telekanału WSVN Džoan raspavioŭ: «My nikoli nie dakranalisia adzin da adnaho, jak Dzieva Maryja». Tym nie mienš 19 červienia ŭ balnicy Džeksan Miemaryjał u ZŠA naradziłasia ich dačka, piša BILD.

Spačatku siamja Dejzi padazravała, što dziaŭčyna padvierhnułasia seksualnamu hvałtu ŭ turmie, i patrabavała pravieści rasśledavańnie. Adnak DNK-test paćvierdziŭ, što Džoan źjaŭlajecca baćkam dziciaci.

Dejzi asudžanaja za zabojstva svajho byłoha partniora. Novaśpiečany baćka jaje dziciaci taksama abvinavačany ŭ zabojstvie.

Dni ŭ adzinočnaj kamiery byli adzinokimi, tamu jany pačali naładžvać znosiny praź vientylacyjnuju šachtu ŭ prybiralniach svaich kamier.

Dejzi raspaviała telekanału WSVN: «Kali ty tak doŭha znachodzišsia ŭ izalacyi, pačynaješ havaryć z hetym čałaviekam hadzinami, pakul nie adčuvaješ, byccam vy znachodziciesia ŭ adnym pakoi».

Jany adpraŭlali adno adnamu zapiski i fatahrafii, pačaŭšy ramantyčnyja adnosiny. Adnojčy Džoan padzialiŭsia z novaj kachanaj svajoj zapavietnaj maraj: «Ja zaŭsiody chacieŭ dzicia. Ale ŭ bližejšy čas u mianie heta nie atrymajecca. Kali b ja moh vybrać kahości, to vybraŭ by ciabie». Dla Dejzi heta nie było prablemaj — jana adrazu pahadziłasia.

Vientylacyjnaja šachta akazałasia ich sajuźnikam. «Ja zavaročvaŭ śpiermu ŭ charčovuju plonku prykładna piać razoŭ na dzień na praciahu miesiaca», — uspaminaje Džoan. Jon skručvaŭ plonku, jak cyharetu, pryviazvaŭ da viaroŭki i pierakidvaŭ praz šachtu svajoj kachanaj.

Dejzi zachavała aplikatary, jakimi raniej uvodziła srodki ad hrybkovaj infiekcyi. «Ja źmiaściła śpiermu ŭ aplikatary i vykarystała jaho». Paśla niekalkich sprobaŭ jana zaciažaryła.

Ciapier ich pieraviali ŭ roznyja turmy, a ŭłady pačali rasśledavańnie.

Dačka raście ŭ maci Džoana. Baćki mohuć mieć znosiny ź dziciem tolki pa videasuviazi.

Kamientary6

  • leha
    26.11.2024
    [Red. vydalena]
  • Ajoj
    26.11.2024
    AJAkija jašče čakpiuć pa žyćci hetuju dziaŭčynku, kali naradžeńnie było takim niezvyčajnym. Praviednicy nakštałt Chrysta peŭna nie atrymajecca
  • Brest
    26.11.2024
    Naradziłasia, i słava bohu. Źjaviŭsia sens u žyćci hetych zładziejaŭ.

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Usie naviny →
Usie naviny

Zatrymańni ŭ 2020-m, aryšt u 2024-m, emihracyja ŭ 2025-m. Historyja 21-hadovaha biełaruskaha «terarysta»2

Z ptuškafabryki pad Hrodnam prapała 400 jajek kački. Pryčym jajkamany navat sačyli, jak vyłuplivajucca kačaniaty2

Ukraina paviedamiła pra hibiel u Rasii bolš za 200 vajennapałonnych2

U spravie «Trajpła» źjaviŭsia novy pavarot

Jak biełaruskaja kampanija pastaŭlaje ŭ Rasiju brendavaje adzieńnie ŭ abychod sankcyj i ŭ škodu dziaržbiudžetu5

«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin14

Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku

Minčanka pastaviła doma kamiery, kab nazirać za stareńkaj maci, i raskryła złačynstva3

Jak biełarusam za miažoj skasavać šlub, nie viartajučysia na radzimu? Spytali ŭ jurystki2

bolš čytanych navin
bolš łajkanych navin

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić