Двое зняволеных зачалі дзіця, перадаючы сперму праз вентыляцыйную шахту
Тое было не так проста: абое сядзелі ў адзіночках. На розных этапах яны сутыкнуліся з рознымі «тэхнічнымі» выклікамі.
Дэйзі Л. і Джоан Д. зачалі дзіця ў турме — сперму яны перадавалі праз вентыляцыйную шахту. Усё пачалося з запісак і фотаў. Калі яны зразумелі, што гэта каханне, яны перайшлі да практычнай рэалізацыі сваёй задумы.
У інтэрв'ю амерыканскаму тэлеканалу WSVN Джоан распавёў: «Мы ніколі не дакраналіся адзін да аднаго, як Дзева Марыя». Тым не менш 19 чэрвеня ў бальніцы Джэксан Мемарыял у ЗША нарадзілася іх дачка, піша BILD.
Спачатку сям'я Дэйзі падазравала, што дзяўчына падвергнулася сэксуальнаму гвалту ў турме, і патрабавала правесці расследаванне. Аднак ДНК-тэст пацвердзіў, што Джоан з'яўляецца бацькам дзіцяці.
Дэйзі асуджаная за забойства свайго былога партнёра. Новаспечаны бацька яе дзіцяці таксама абвінавачаны ў забойстве.
Дні ў адзіночнай камеры былі адзінокімі, таму яны пачалі наладжваць зносіны праз вентыляцыйную шахту ў прыбіральнях сваіх камер.
Дэйзі распавяла тэлеканалу WSVN: «Калі ты так доўга знаходзішся ў ізаляцыі, пачынаеш гаварыць з гэтым чалавекам гадзінамі, пакуль не адчуваеш, быццам вы знаходзіцеся ў адным пакоі».
Яны адпраўлялі адно аднаму запіскі і фатаграфіі, пачаўшы рамантычныя адносіны. Аднойчы Джоан падзяліўся з новай каханай сваёй запаветнай марай: «Я заўсёды хацеў дзіця. Але ў бліжэйшы час у мяне гэта не атрымаецца. Калі б я мог выбраць кагосьці, то выбраў бы цябе». Для Дэйзі гэта не было праблемай — яна адразу пагадзілася.
Вентыляцыйная шахта аказалася іх саюзнікам. «Я заварочваў сперму ў харчовую плёнку прыкладна пяць разоў на дзень на працягу месяца», — успамінае Джоан. Ён скручваў плёнку, як цыгарэту, прывязваў да вяроўкі і перакідваў праз шахту сваёй каханай.
Дэйзі захавала аплікатары, якімі раней уводзіла сродкі ад грыбковай інфекцыі. «Я змясціла сперму ў аплікатары і выкарыстала яго». Пасля некалькіх спробаў яна зацяжарыла.
Цяпер іх перавялі ў розныя турмы, а ўлады пачалі расследаванне.
Дачка расце ў маці Джоана. Бацькі могуць мець зносіны з дзіцем толькі па відэасувязі.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»4
Каментары