Robiert Kienedzi-małodšy ŭ hady pandemii Covid-19 byŭ adnym z samych viadomych praciŭnikaŭ vakcynacyi, raspaŭsiudžvajučy falšyvyja teoryi zmovy ab biaśpiecy i efiektyŭnaści vakcyn.
Abrany prezident Donald Tramp abviaściŭ, što Robiert F. Kieniedzi-małodšy stanie jaho nastupnym ministram achovy zdaroŭja i sacyjalnych słužbaŭ. Hetaje rašeńnie Trampa dadaje ŭ śpis pravakacyjnych krokaŭ, jakija padčas pracedury ŭchvaleńnia ŭ Sienacie pakažuć stupień łajalnaści respublikancaŭ da budučaha prezidenta, piša Radyjo Svaboda.
«Biaśpieka i zdaroŭje ŭsich amierykancaŭ — heta samaja važnaja rola dla luboj administracyi», — napisaŭ Tramp u sacyjalnaj sietcy X. «Usie pavinny być abaronieny ad škodnych chimikataŭ, zabrudžvalnych rečyvaŭ, piestycydaŭ, farmaceŭtyčnych praduktaŭ i charčovych dabavak, jakija spryjali kryzisu achovy zdaroŭja ŭ ZŠA», — zajaviŭ Tramp.
Jon zapeŭniŭ amierykancaŭ, što Kienedzi adnović tradycyi Załatoha standartu navukovych daśledavańniaŭ, «kab pakłaści kaniec epidemii chraničnych zachvorvańniaŭ i zrabić Amieryku znoŭ vialikaj i zdarovaj!»
Telekanał CNN, jak i mnohija amierykanskija i jeŭrapiejskija ŚMI, źviartaje ŭvahu na toje, što Robiert Kieniedzi-małodšy ŭ hady pandemii Covid-19 byŭ adnym z samych viadomych praciŭnikaŭ vakcynacyi, raspaŭsiudžvajučy falšyvyja teoryi zmovy ab biaśpiecy i efiektyŭnaści vakcyn.
Kali jaho ŭchvalać na pasadu hałoŭnaha dziaržaŭnaha čynoŭnika ŭ halinie achovy zdaroŭja, Kienedzi budzie kantralavać pracu Zakona ab dastupnym miedycynskim absłuhoŭvańni, Medicare i Medicaid.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki19
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
A ty, Buhaj Dyńko, adkul viedaješ, što jany "falšyvyja"? Bo tak CNN napisała?