Na vybarčyja ŭčastki ŭ štacie Džordžyja pryjšli paviedamleńni pra miniravańnie, padazrajuć Rasiju
Ranicaj 5 listapada na vybarčyja ŭčastki ŭ akruzie Fułtan amierykanskaha štata Džordžyja pastupiła piać zvankoŭ pra pahrozu vybuchaŭ. Tryvoha akazałasia padmannaj, ale ŭčastki daviałosia evakujavać.
Pa słovach miascovych čynoŭnikaŭ, dva vybarčyja ŭčastki daviałosia evakujavać prykładna na 30 chvilin kožny. Akruha, u skład jakoj uvachodzić horad Atłanta, źviarnułasia ŭ sud, kab praciahnuć čas pracy ŭčastkaŭ.
Dziaržsakratar štata Džordžyja Bred Rafienśpierhier śćviardžaje, što hetyja pahrozy pachodzili z Rasii.
«My čuli niekalki pahroz rasijskaha pachodžańnia. U intaresach hramadskaj biaśpieki my zaŭsiody praviarajem heta», — dadaŭ jon i zajaviŭ, što matyvam była sproba «destabilizavać Amieryku».
FBR z hetaj nahody vydała zajavu:
«FBR viadoma pra niekalki pahroz vybuchaŭ, jakija pastupili pa ŭsim štacie Džordžyja. Sumlennaść vybaraŭ i abarona našaha hramadstva — naš hałoŭny pryjarytet, i FBR ciesna supracoŭničaje z pravaachoŭnymi orhanami štata i miascovymi ŭładami, kab reahavać na pahrozy, źviazanyja z vybarami».
Raniej pradstaŭniki raźviedki i biaśpieki ZŠA abvinavacili Rasiju i Iran u naroščvańni kibieratak i kampanij dezynfarmacyi z metaj pasiejać razład, kali amierykancy adpraviacca na vybarčyja ŭčastki 5 listapada.
Kali stanuć viadomyja vyniki prezidenckich vybaraŭ u ZŠA?
Na vybarach u ZŠA prahałasavaŭ sabaka FOTA
Sud u ZŠA nie staŭ zabaraniać palityčnuju łatareju Iłana Maska
U apošni dzień vybarčaj kampanii Tramp i Charys praviali mitynhi ŭ chistkich štatach
Charys prahałasavała na vybarach u ZŠA
Chto lepšy dla Biełarusi — Tramp ci Charys? Paradaksalnaja dumka Šrajbmana
Kamientary